_Hmangaihna Thumal Ropui Pasarih_
By Rick Warren
— April 11, 2025
“Thil tisualtu chu Diabola atanga chhuak a ni; Diabola chuan a tir atangin thil a tisual si a. Pathian Fapa lo lan chhan ber chu sual hnathawh a tihboral theih nan a ni.” [I John 3:8]
Isuan thihna a hneh, chumi awmzia chu Setana pawh a hneh tihna a ni. Chu chu khawvela a lo kal chhan a ni. Bible chuan, “Pathian Fapa lo lan chhan ber chu sual hnathawh a tihboral theih nan a ni,” tiin a sawi [I Johana 3: 8].
Sual hnathawh chu engnge ni? I rilru a tibuai. Lungngaihna, inthiamlohna, inkiltawihna, huatna, hlauhna leh buaina i rilruah a dah a. Hlutna nei lo, chak lo, beisei tur nei lo leh tum mumal nei lo angin a hriattir che.
Setana chuan chutiang ngaihtuahna leh rilru chuan a sal bet che a ni.
Setanan i nun a tihbuaina atana a hmanraw hman langsar ber chu hlauhna a ni. Bible chuan chiang takin hlauhna chu Pathian aṭanga chhuak a ni lo tiin a sawi: “Hmangaihnaah chuan hlauhna reng a awm lo; Hmangaihna famkimin hlauhna a hnawtchhuak zawk thin a ni.” [I Johana 4: 18]. Bible chuan “Pathian chu hmangaihna a ni” tiin a sawi [I Johana 4: 16]. Hlauh eng emaw i nei a nih chuan, chu chu Pathian aṭanga chhuak a ni lo – a chhan chu hmangaihnaah chuan hlauhna a awm lo va, Pathian chu hmangaihna a ni.
Pastor ka nihna anga ka lo hmuh ve pakhat chu miten khawvela an thil hlauh ber pakhat chu thihna a ni. Setana chuan chu hlauhna chu tipunlunin a tibuai ang che.
Mahse Isua chuan thihna a hneh tawh a; sual hnathawh chu a tichhe ta. Chuvang chuan, ringtuin mitthi a sun chang chuan beiseina nen a sun thin a ni.
Mitthi chu i sun ngei e, kal ta chu anmahni i ngaih avangin. Lu i sun na a, Isua chu i ring a nih chuan, vanramah i la hmu leh dawn a ni tih i hria ang. Kal hmasate chuan kan duh em emna hmun aṭangin min lo nghak a ni tih kan hriat vek kha.
Hebrai 2: 14-15 ah chuan hetiang hian kan hmu, “Ani chuan bawhchhiatna zawng zawng lak ata min tlan theihna tur leh, chi thlan bik, thil ṭha tih ṭhahnemngai, ama tana thianghlim theihna turin kan aiin a inpek kha. Thunei takin chung thu chu hrilh la, fuih rawh. Tuman hmusit che suh se,” tiin.
Tichuan, i thinlungah hlauhna chu a lo lut a nih chuan – thih hlauhna emaw thil eng emaw pawh lo ni ta se – Pathian aṭanga chhuak a ni lo tih hria ang che. Tichuan a hmangaihna famkim nena chu hlauhna chu umbo turin ngen ang che.
Ngaihtuah zui atan.
I Johana 3: 8 ah chuan, “Pathian Fapa lo lan chhan ber chu sual hnathawh a tihboral theih nan a ni,” tih kan hmu [I John 3:8]
Mite hlauh tlanglawn ber chu engnge ni? Sawi dan dan chhin la, Pathian aṭanga chhuak pakhat mah an awm lo tih i hria ang?
Engtin nge i nunah chuan hlauhna awm thei lo turin Pathian hmangaihna chuan i chhun khah theih ang?
I thih huna i kalna tur i hre chiang tawh em?
Mi tam tak chuan thihna an hlau thin – a chhan pakhat chu an thih huna an kalna tur an hriat chian loh vang a ni. Mahse Isua chuan thih hlauhna avanga buaina ata chu a chhandam che.
Bible chuan mi zawng zawngin thil an tisual tawh a, sual man chu thihna a ni tiin a sawi bawk. Mahse Pathian chuan a hmangaih em che avangin a Fapa, Isua chu i sual man bat tlak turin a pe che, Pathian chhungte zingah a telh ta che a ni, tichuan thih hlauhna ata chhanchhuak tur che a ni bawk.
Pathiante zingah i tel ve tawh a nih chuan he ṭawngṭaina hmang hian lo inhlan ang che: “Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.
“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamnatu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu:* Peka]
No comments:
Post a Comment