_Hmangaihna Thumal Ropui Pasarih_
By Rick Warren
— April 10, 2025
“Chuvâng chuan alâwm tûnah pawh hetianga ka tuar ni; mahse, ka zak lo ve; ka rina chu ka hria, a hnêna ka kawltîr chu, chumi Nî atân chuan a vawng him thei tih ka hre chiang a ni.” [II Timothea 1:12]
Thil eng emaw hlu tak i kawl chang chuan, chu thil chu a vang emaw, a to emaw a ni thei, chhungkaw ro pawh lo ni ta se, miten an ruk emaw, a kan palh emaw i duh lo ang a, bank-ah him taka vawn a nih theih nan i dah hial ang.
Mahse Pathian kuta i thil hlante chu khawvela bank him ber ai pawhin a him zawk thung. A lo vawnghim ang a – amah chu i ring thei ang. Chu thilah chuan a rin tlak a ni. Mi tam takte chu chutiang kawnga hming hliauna lo nei tawh te chu an ni mai thei. Mahse eng pawh Pathian kuta i hlan tawh chu amah ngei chuan a enkawl him ngei ngei ang.
Vawiin hian Pathian kuta kawltir ngai eng nge i neih? Engnge ka hriattir ang che – i buaina hrim hrim kha a ni thei. Zan laia thleng thlenga i thil vei kha Pathian hmangaihnaah chuan vawnhim theih a ni e.
Lungkham hi Pathian rin lohna pakhat a ni, a chhan chu Vana Pathian, nangmah hmangaihtu che nei lo ang maiin i awm a, thlarauva pa nei lo angin i awm tihna a ni. Lungkham chu rin lohna a ni a; Bible-a Pathianin a thutiam sang tam takte kha i ring ngam lo tihna ang a ni.
Mi tam ber tan chuan natna an neih changin Pathian bawm [safety box] a an buaina vawnhim chu thil awlsam a ni lo. Harsatna an neih changa Pathian rin chu an harsat tlat. Mahni awm awma lo awm mai chu a awlsam an ti zawk fo.
Paula khan chu chu a hria a, chutiang chiah chuan natna i neih changin, chu chu Pathian i mamawh ber hun lai chu a ni daih. Hetiang hian a sawi, “Chuvâng chuan alâwm tûnah pawh hetianga ka tuar ni; mahse, ka zak lo ve; ka rina chu ka hria, a hnêna ka kawltîr chu, chumi Nî atân chuan a vawng him thei tih ka hre chiang a ni,” tiin. [II Timothea 1:12]
Mi ṭhenkhat hetianga sawi ka hmuh chang hi a awm, “Isua Krista hnena in hlan hi ka duh leh duh loh ka hre chiang lo, a chhan chu ka thil tihtum hi ka tithei lo palh thei tlat,” tiin.
Tlang takin in bulah sawi ka duh: Nangmah mai kha chuan i rinawm tak tak thei lo. I tibuai zo vek ang! A van lawmawm em, i chhandamna chu i thutiam vawn theih leh vawn theih lohah a innghat lo. Krista a thutiama a rinawmnaah chuan a innghat zawk a ni.
Ngaihtuah zui atan.
I thil lungkham chuan engtin nge i nun a nghawng?
Eng vangin nge a chang chuan i natna vawn tlat chu Pathian kuta hlan ai chuan a awlsam zawk nia a lan?
Vawiin hian Pathian kuta kawltir tur engnge i neih?
[ *Lettu:* Peka]
No comments:
Post a Comment