_Kut Ruaka Kal
By Rick Warren
— April 25, 2025
“Thli man tum anga, ṭhûm neih tuma phili sek ai chuan hahdam taka vei khat neih a ṭha zâwk.” [Thuhriltu 4: 6]
Kal muang hlek tura i nun i buatsaih a nih chuan mahni leh mahni inenfiahin bul ṭan ang che: Eng vangin nge tun hma khan i tih hram hram ṭhin? Eng vangin nge i bank account-a pawisa chu i eng helh em em a emaw i eizawnna chu i lungkham em em ṭhin? I nitin hun hman danah eng vangin nge i buai phili em em ṭhin?
Tun lai khawvela buaina kan hmachhawn mekte hre thiam turin thil dik lo, dik ngeia kan ngaih si he khawvel rang taka insingsa mek min khawih phaktute hi lo ngaihtuah ho dawn ila.
*Dawt hmasa ber chu i neih tam chuan i hlim ang tih hi a ni.*
Mihring nun hi thil neih leh bungrua thuhla a lo ni lem lo. Isuan, “'Miin khawvêl hi a pumin nei vek sela a nun chân si se, a tân eng nge sâwt ang?” tiin zawhna dengkhawng zet a zawt [Marka 8:36] Mi tu emaw thil tam tak nei ka lo hmu tawh ṭhin, an hlim chuang hauh lova, an lungawi chuang miah lo.
*Dawt pahnihna chu thil tih tam chuan i hlutna an belh ang tih chu a ni.*
I hna leh i hlutna chu i ngaihfin chuan hah em em leh chawl chuang miah lovin i tlan ngat ngat dawn tihna a ni.
Bible chuan Thuhriltu 4: 6 ah chuan, ““Thli man tum anga, ṭhûm neih tuma phili sek ai chuan hahdam taka vei khat neih a ṭha zâwk,” tiin a sawi. Thil tih tam chuan hahchawlhna a pe chuang ngai lo. In te zawk emaw hlawh tlem zawka khawsak chu a fin thlak zawk dan a awm, a chhan chu i hun tam zawk, thahrui tam zawk, hlimna tam zawk, rilrua thlamuanna tam zawk nen hun i hmang thei hlauh ang.
*Dawt pathumna chu hringnun hi midangte nena inelna a ni.*
Tu dang nen mah in inel a ngai lo – i ṭhenawm nen emaw, i hotupa nen emaw, i ṭhian emaw tu nen mah in inel a ngai lo. Eng vangin nge? A chhan chu hlutna danglam bik i nei a, Pathian chuan el bik nei turin a siam lo che. Nangmah kha ni tawp turin a duh che. Chu chu i pawm a, midang ang nih tuma i buai loh chiah chuan, i rilru hahna tam berte chu lakbo an ni nghal ang.
Thufingte 14: 30 hi Living Bible ṭawngkam chuan hetiang deuh hi a ni, “Pa rilru tluangtlam [hahdam] chu a dam rei nge nge ṭhin; inerna erawh chuan mi a ei ral thung,” tiin.
Heng dawt chi thumte hian i hlimna an laksak ṭhin che, i tlanin i phili chiam chiam ang a – lungawina leh hahdamna erawh i nei ngai chuang lo vang.
Hahdam zawka kal turin kal muang thut kher suh. I thinlung kha bul ṭan nan hmang rawh. Kal muan tih awmzia chu i calender thaichhiat ngawt chu a ni lo, i thil neih ang ang lungawipui leh nangma nihna pawm phawt chu a ni e.
Ngaihtuah zui atan.
Eng vangin nge i neih tam avang chuan hlim dawna i inhriat?
I thil tih theih emaw siam theih emaw aṭang chuan i hlutna chu eng vangin nge i chhut ṭhin?
Midangte nena inelna – i mi el ber chuan an hre chiah lo a nih pawhin – i nunah buaina an siamsak ṭhin che?
[ *Lettu* : Peka]
No comments:
Post a Comment