_Kut Ruaka Kal_
- Rick Warren
- April 26, 2025
_"In zingah tupawhin finna a tlakchham chuan mi zawng zawng hnena hau lo leh ui lova pe ṭhintu Pathian chu dil rawh se, chutichuan a hnenah pek a ni ang."_ (Jacoba 1:5)
Pathian chuan a fate chu mumal taka chawl hahdam turin a duh a. Bati a tawn tawna i hal chuan i inngaih ang ngawtin i fing var lo tihna a ni. I halral thuai ang.
Thla khat chhunga i neih loh tur hun remchang tak mai kha kar khat chhung atan pek i lo ni mai thei asin. Remchanna i lei thiam a ngai - i lei thiam loh chuan i pil mai ang. I tana hlawkna awm si lo thil tam tak i lo ti reng thei.
Remchanna i hmuh chuan thil pathum i tih ngei tur a awm:
A hmasa berah chuan, hlawkna a awm em? tih inzawt la. Kha remchanna kha i hun, i chakna, i tha, i hmingṭhatna, i sum, i nunna hman ral nan a sawt em? Eng emaw tih nana i hun pek apiang kha i nun nen i thleng a ni tih hre reng rawh. Engvangin? A chhan chu, i hun kha i nun a ni.
A pahnihnaah chuan, i kalsan tur ngaihtuah rawh. Thil thar ti turin eng thil nge i kalsan ang?
A tam zawk chuan tihtur hmachhawp insiam dan kan thiam vek. I nuna nghawng nei sang ber ber te ziak chhuak tura chona pek che ka duh. Eng nge pawimawh ber hre turin Pathian hnenah a ngaih pawimawhzawng te i zawh a ngai. Chu chuan i thil tihtur mai ni lo i tih loh tur hriat theihna thlengin a pui ang che.
Jacoba 1:5 chuan, _"In zingah tupawhin finna a tlakchham chuan mi zawng zawng hnena hau lo leh ui lova pe ṭhintu Pathian chu dil rawh se, chutichuan a hnenah pek a ni ang."_ a ti.
A pathumnaah chuan, "Aih" tih zir rawh. Tunlai hun hmanhmawh tak mai mila kal ngawl kan vei tawh a, chu chuan kan hriselna, kan inlaichinna leh Pathian nena len dunna min tibuai zo a. Kan tana pawimawh ber ni lovah chuan "aih" ti a kan tawlh kir leh hret a ngai. Kan nun khawhral zawng ni lova hun hman kan tum a ngai.
Africa-a ka ṭhiante chuan heti hian an sawi ṭhin, "Khawthlang mite chuan sana an nei a, Africa mite chuan hun an nei" tiin.
Kan hun hnawh khah dan kan thiam a ni thei e, mahse kan la let thiam tawh ṭhin lo. Hun kan insiam loh avangin hun kan nei lo a lo ni ṭhin. A hlawk em tih inzawtin hun kan insiam ṭhin, engnge kalsan tur tih hrethiam a, hun lo la kal leh zel tura min tina thei tur te laka "aih" tih zir chungin. Chumi hunah chiah chuan hun remchang kan neih a hmalak dan tur finna kan nei thei ang.
Ngaihtuah zui atan.
Heng thil pathumte hi i hun hman dan tur ruahman sa thlapa i telh ve khan eng danglamna nge a thlen?
I hun kha i nunna a ni tih i hriatthiam chinah engtinnge i thiltih leh hun remchang i neih te chunga i rilru put dan a tihdanglam?
Thil remchang i neih zawng zawngah khan engnge Pathian laka pawimawh ber ni a i hriat?
*I hun tawna pawimawh ber leh remchang ṭha berah khan "aw" ti turin i inpeih em?*
I nunah Isua i la sawm ngai lo anih chuan tunah hian chu hun ṭha chu inpe turin ka duh che.
Pathian hnenah Isua kaltlanga chhandamna a pek che i pawm tih he ṭawngṭaina hmang hian lantir rawh.
"Ka Pa, Isua ka rin phawt chuan ka thiltih vang ni lovin i khawngaihna avangin chauhin chhandam ka ni ang tih min tiam a. Isua ka Lal leh Chhandamtuah ka pawm e. Ka sualte i hmaah puangin i ngaihdam ka dil a, Isua hnenah ka nun ka hlan e."
"Min hruai la, min kai la, rinna leh thuawihna nena Isua zui turin min pui ang che. Isua hmingin, Amen."
Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia.
[Lettu: Mapuia Fanai]
No comments:
Post a Comment