Friday, March 14, 2025

PATHIANIN HARSATNA KAWNG NGAA A HMAN ṬANGKAI DAN

_Pathian Mit Aṭanga Thlirna_

By Rick Warren
March 14, 2025
_"I thuruatte ka zir theih nan tihhrehawma ka lo awm kha ka tan a tha a ni. Rangkachak leh tangkaraw sang tam tak ai chuan, i kaa dan chhuak chu ka tan a tha zawk e,"_ Sam 119:71-72.

Hringnun hi harsatna chinfelna  remchang tak a ni. I chhân let dan azirin harsatna chuan a hneh che emaw, a siam ṭha che emaw a ni thei.

Mi tam zawk chuan harsatna an tawh hian rilru so butin emaw, thinrim takin emaw an chhâng let thin a. Chu harsatna chuan hlawkna eng nge  a thlen dawn tih pawh an ngaihtuah hman ngai lo va. Pathianin an nuna harsatna a hman ṭangkai dan an hmufiah thei ngai lo a ni.

Pathianin kan nuna harsatna a hman ṭangkai dan kawng nga a awma. Harsatna i tawh huna Pathian hnathawh dan i hriatthiam ka duh a ni.

*Kaihruai tur chein Pathianin harsatna a hmang ṭangkai.* Hma lam i pan theihna turin a châng chuan Pathianin mei a tialh thin. Harsatna chuan kawng thar a kawh hmuh chein danglam turin a fuih bawk che a ni. Pathianin a ngaihsak che em? Thufingte 20:30 chuan, "Pem khawpa vuakna chuan thil ṭha lo a tlêng fai," a ti.

*Endik tur chein Pathianin harsatna a hmang ṭangkai.* Mihringte hi thingpuife ip ang kan ni: a chhunga awm i hriat duh chuan tui saah thlak rawh! Pathianin harsatna hmangin a fiah tawh che em? Chu harsatna chuan eng ang takin nge a laihlan che? Jakoba 1:2-3 chuan, "Ka, unaute u, in rinna fiahna chuan chhelna a siam tih hriain, thlemna tinreng in tawh hunin lawmna hlirah ngai rawh u," a ti.

*Siamṭha tur chein Pathianin harsatna a hmang ṭangkai.* Zirlai thenkhat hi chu nâ leh hlawhchhamna atang chauhin kan zir chhuak thin. I naupan lai chuan i chhung ten thuk sâ khawih lo turin an hrilh ang che. An thu i awih loh emaw, i kan hnuah emaw chauh lo chuan zirlai i zir thiam kher lo vang. A châng chuan thil hlutna - entirnan hriselna emaw, sum leh pai emaw, inlaichinna emaw kan hloh chauhin thil kan zir thiam thin. Sâm ziaktuin a sawi ang khan hei hi a dik hle, "I thuruatte ka zir theih nan tihhrehawma ka lo awm kha ka tan a tha a ni. Rangkachak leh tangkaraw sang tam tak ai chuan, i kaa dan chhuak chu ka tan a tha zawk e," (Sam 119:71-72).

*Venghim tur chein Pathianin harsatna a hmang ṭangkai.* Thil pawi zawk a thlen hmaa a vêng che a nih chuan harsatna chu malsawmna inthup a ni thei. Kum tlemte liamtaah khan, ka ṭhian pakhat chu an hotupain thil tih âwm lo tak ti turin a ti a, a duh loh avangin a hna atanga bân a ni a. Hna a nei ta lo chu harsatna a tling - mahse a pu thiltih dan chu kum a liam hnuah hailan a ni ta a, thiamloh chantira tân ina khung theihna lakah a him ta a ni. Josepha angin heti hian a sawi thei ta a ni, "Nangni zawngin ka chungah thil sual tih in rilruk a, nimahsela, Pathian chuan vawiin ang hian mi tam tak nungdama chhan himna tura thil ṭhaa chantir a rilruk zawk a lo ni si a," (Genesis 50:20) tiin. 

*Tifamkim tur chein Pathianin harsatna a hmang ṭangkai.* Harsatna, dik taka chhân lêt hi nungchang chhertu a ni thei: "Kan hrehawmnaah pawh lawmin i awm ang u, hrehawmna chuan chhelna a siam a, chhelna chuan hriat fiahna a siam a, hriat fiahna chuan beiseina a siam tih kan hre si a," (Rom 5:3-4). Pathian chuan i nawmna aiin i nungchang kha a ngai pawimawh zawk. Chatuan hmun i thlenpui theih tur thil pahnih chiah a awm, Pathian nena in inlaichinna leh i nungchang kha a ni.

Harsatna hi a takin i la tawng chho zel dawn. Tute pawhin chu chu an lo tâwk tawh. Chutiang i lo tâwk ve a nih pawhin duhthlan tur i nei. Harsatna chu i inhnehtir thei a. Emaw Pathian chu kaihruaia, endika, siamṭhaa, venghima, tifamkim tur chein i thlang thei a ni.

Ngaihtuah zui atan.

I nuna hun harsa i tawh khan engtin nge nangmah kha a hmuhtir che?

I thil tihsual emaw, i thil tawn hrehawm tak khan eng ang zirlai hlu tak nge a zirtir che?

Eng vangin nge chona hian khua reiah a tihchak che emaw, a siamṭha zawk che ni a i ngaih?

[Lettu: *Marova Punte*]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...