Saturday, March 8, 2025

I RILRU NONA AVANGA ENGMAH TI THEI LOVA I AWM LAIIN ṬAWNGṬAI LAMAH ṬANG RAWH

_Hringnuna Damna Rahbi_

- Rick Warren 
- March 08, 2025
_"Tin, lal chuan a chhâng a Pathian mi hnênah chuan, 'Ka kut hi a lo dam leh theihna turin LALPA i Pathian khawngaihna ngen la, min tawngtaisak teh khai,' a ti a. Tin, Pathian mi chuan LALPA hnênah a ngen a, tin, lal kut chu a lo dam leh a, a hma ang bawkin a lo awm leh ta a."_ (1 Lalte 13:6)

I rilru sukthlek/nona, heng lungngaihna, hlauhna, inthiam lohna emaw zahna emaw avang te hian che thei lovin i awm ṭhin em? Kei chu ka awm tawh ṭhin. I rilruk sukthlek chungchangah engmah ti thei lo angah i inngai mai thei- mahse chu chu a ni lo. I rilru nona avanga che thei lova i awmin ṭawngṭainain a chhanchhuak thei che.

Thuthlung Hluiah hian lal pakhat, hetiang dinhmuna ding hi a awm, Jeroboama kha. Pathianin mi pakhat kaltlangin a hmalam hun tur a va hrilh lawk a, mahse chu lal chuan a thu hriat chu a duhzawng a ni tlat lo. Lal Jeroboama chu a thinrim em em a - a chhan chu a chungchang thu dik tak leh nakina thil lo thleng tur chu a hre lawk duh lo a ni.

Hetiang hi i tawng ve tawh em? Chanchin lawmawm lo chu i hre duh bik hauh lo mai thei. Anih loh pawhin buaina thlentu i ni tih hrilh kha i lo duh lo a, chuvangin i rilruin i lo dodal a ni thei. Chutiang chiah chu lal Jeroboama chunga thleng chu a ni.

1 Lalte 13:4-ah chuan heti hian kan hmu, _"Jeroboama chuan, 'man rawh u,' tiin maichâm atang chuan a kutin a han ban a. Tin, man tuma a banna kut chu alo zeng ta a, tichuan a kut chu a la leh thei ta lo va."_ 

Chumi hnu chiaha thil thleng chu mak tak a ni. Lal chu heti hian a au chhuak a, _"'Ka kut hi a lo dam leh theihna turin LALPA i Pathian khawngaihna ngen la, min tawngtaisak teh khai,' a ti a. Tin, Pathian mi chuan LALPA hnênah a ngen a, tin, lal kut chu a lo dam leh a, a hma ang bawkin a lo awm leh ta a."_ (1 Lalte 13:6). Lal Jeroboama khan ṭawngṭaina nen lo chuan a dam dawn lo tih a hrechiang hle mai.

Vawiin hian i engnge zeng ve le? I rilru sukthlek a ni mai thei. Ṭawngṭaiin Pathian lam hawi la, midangte pawh ṭawngṭaipui tur chein fuih rawh. Chutiang chiah chuan lal Jeroboama kut pawh kha ṭawngṭaina kaltlanga tihdam a ni, Pathianin i rilru sukthlek te a ṭha zawnga i hman theih nan a tidam thei.

I rilru hriselna nei let leh tura i ruahmannaa pawimawh em em chu ṭawngṭaina hi a ni. A tel lovin damnain a daih rei thei lo.

Ngaihtuah zui atan.

Eng thu in sawihoin nge i rilru sukthlek su her ṭhin?

Rilru lama chhan let dan hrsel te entirna han tarlang teh.

Engtinnge Pathianin i rilru sukthlek te nangmah pawh hnaih nan a hman?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...