Friday, February 7, 2025

PATHIAN CHU I SUM HNAR AWM CHHUN A NI

_I Tawpna Tur Hmuchhuak Rawh_

By Rick Warren
— February 07, 2025

“Thil zawng zawng hi amah aṭanga lo awm, amah avâng leh ama tâna awm a ni. A hnênah chatuanin ropuina chu awm rawh se; Amen.” [Rom 11:36]

Bible chuan kan sum hnar ber chu Pathian a nih thu min hrilh. Amah ngei chu kan mamawhte min petu chu a ni. 

Chu chu engnge a awmzia? A awmzia chu nangmah ruaitu che emaw sum bawma i sum khawl zat emaw chu i innghahna tak tak an ni lo, Pathian zawk thlir ang che. I mamawh phuhrutu atan chuan midang tu mah en lovin Pathian chauh thlir ang che.  

Hetiang hian i lo tifiah dawn teh ang: Tui herhhawna aṭanga tui i her haw chuan a herhhawna aṭanga lo chhuak chu a ni ngai lo. A herhhawna kaltlang zawk chuan a lo chhuak a ni. Tui chu tuikhuah emaw tuichhunchhuah atanga lo luang an ni ber a, nangmahin i lo dawnna hmanrua chu a herhhawna hmang chuan a lo ni ta a ni. 

Chutiang chiah chuan Pathianin i sum lakluh [income] a pek che chu i hna emaw thil dang emaw kaltlang chuan a ni a. 

A hnar tak tak zawk chu Pathian a ni ziah. 

Rom 11: 36 chuan, “Thil zawng zawng hi amah aṭanga lo awm, amah avâng leh ama tâna awm a ni. A hnênah chatuanin ropuina chu awm rawh se; Amen,” tiin a sawi. 

Pathian chuan eng hmanrua ber nge a hman dawn tih chu lo enghelh vak suh. Pathian chuan hmanraw pakhat chu kharin, awlsam takin a dangte chu a hawng leh zel thei a ni. Hna pakhat i chan a nih chuan Pathian chuan a dang a pe thei che. I hna emaw i bank account chu i sum hnar an ni lo. Pathian chauh chu i sum hnar an ni. 

Pathian chuan engtin nge a pek dawn che tih chhut chhuah chu i hna a ni lo. I hna chu lo zawh chhuah chu a ni. 

Bible chuan Jakoba 4: 2 ah chuan, “Pathian hnênah in thlen loh avângin in duhzâwng chu in nei lo,” tiin a sawi.  

Pathian chuan lungkham em em lova dil tam turin a duh che. Lungkham nep tial tial la, dil tam thung rawh. Lungkham tehchiam lovin thil engkim chu ṭawngṭaiin thlen rawh. 

Lungkham neih chu vaukhanna [warning light] a ni. Pathian i rin tawk lohna lai chu an tarlang a ni. Lungkham eng emaw i nei a nih chuan, nangmah kha chawl la, Pathian ring daih ang che. Amah i rin lohna chhan tur chu zawt la, amah ring deuh deuh turin inbuatsaih rawh. 

I nunah khan a englai pawh mai kha Pathianin a ngaih pawimawh loh lai a awm lo. I mamawh chu a hre sa daih tawh a, chu chu dil turin a duh che a ni. Mangang mai lovin ṭawngṭaiin i buaina thlen ang che.  

Thufingte 16: 3 chuan hetiang hian a sawi, “Lalpa -a innghatin thil ti la, I thiltum chu a tihlawhtling ngei ang,” tiin a sawi.

Ngaihtuah zui atan. 

Hun kal tawhah chuan Pathian chuan engtin nge i mamawhte a phuhruk sak che? Eng hmanrua nge a hman? 

Lungkham buaina chuan eng rinhlelhna nge a entir? 

I nun khawi laiah khan nge lungkham bansan a, amah ring chunga kal turin Pathian chu i mamawh? 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...