Thursday, February 6, 2025

THUTLUKNA I SIAM THEI EM?

_I Tawpna Tur Hmuchhuak Rawh_

By Rick Warren
— February 06, 2025
“Chumi hnuah chuan dân ni lo mah se lal hnênah chuan thih leh thih ka kal ang.” [Esther 4:16]

I kawng zawh tur dik taka zawh tur leh Pathianin a kohna che hlenchhuak tur chuan amaha innghat tura thutlukna i siam a ngai ang. 

Bible chuan rinna pawimawhna kawng eng emaw zatin a sawi: 

“Rinna lo chuan Pathian tihlâwm rual a ni lo.” [Hebrai 11:6].
“In rin angin in chungah lo thleng rawh se.” [Matthaia 9:29].
“Mi dik erawh chu a rinawm avângin a him ang” [Habakkuk 2:4].
“Ringtu tân chuan engkim hi tih theih asin!” [Mark 9:23].

Esther-i chuan Juda hmeichhia ringlo mi lal ni bawk pasalah a nei a, a pasal chuan eng mi nge a nih a hre nghal lo. Mahse chu lal thupek Juda hnam chimih vekna tur thupek sut tura a ngen hun a lo thleng ta a. Lal hmuh chu tihtakzetin a hreh ang tih a rin theih awm e; Juda hnam a nihzia sawi leh thupek sut tura ngen chu thil hlauhawm tak a ni thei ang. Mahse lalnu a nih chhan chu chhan mumal tak a awm tih a hria a. Pathian laka rinawm pawh a duh bawk.  

Esther 4: 16 ah chuan Estheri chu rinnaa pen a, a hlauh em em ti tur chuan a pen chhuak ta a ni. “Chumi hnuah chuan dân ni lo mah se lal hnênah chuan thih leh thih ka kal ang” tiin a inbuatsaih hial a nih kha [Esther 4:16]. Estheri chuan Pathian thuawih tur leh thil dik ti ngei turin a inbuatsaih a, thihna a ni thei tih pawh a hre chiang hle. 

I thinlunga thih chilh i ngam chu i tih chian hma chuan nun awmzia tak tak pawh i hre thei ngai lo vang. Awmze thuk zawk nei tur chuan mihring nuna thil pawimawh ber leh pawimawh satliah chu miin a thliar hran thiam a ṭul fo. Rinnaa intiamna awmze nei tih chuan i hun, theihna, rohlu leh nunpui engtiang takin nge i hlan ngam tih chu a tichiang ang. 

I nun pumpui ngunthluk taka enfiah hun insiam la, Pathian chuan eng anga inpekna nei turin nge a duh che tih zawt bawk la. I nuna thil tihhlawhtlin i duh chu hriattir ang che. 

I nunin a kawng zawh lai chu a hriat dik takzet chuan chu chuan a hruai ang che. Mahse mahni inphatna nun nen chu chu i zui zel a ngai hial ang. I nun chu i kalsan a ngai ang tihna a ni mai lo va, i nun chu i hlan a, i pek a – i thinlung zawng zawng i leihbuak vek a ngai ang. 

Chu chu inhlanna ropui ber a ni hial awm e. 

Ngaihtuah zui atan. 

• I nuna thihchilh i ngam zawng tihchian chu engvangin nge a pawimawh? Chu zawhna chu i lo la chhut ngai lo a nih chuan vawiin hian han ngaihtuah teh. 

• Eng “thil ṭha” nge “thil pawimawh ber” aiin i nun chuan a lo umzui ve ṭhin? 

• Vawiin hian rinna kawngah Pathian chuan eng thutlukna siam turin nge a duh che? 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...