Sunday, February 16, 2025

HLAUHNA CHUAN A PHUAR BET CHE - MAHSE ṬANPUINA A AWM E

_Hringnuna Danglamna Rahbi_

- Rick Warren 
- Feb 16, 2025
_"Chutichuan, tihdama in awm theih nan in sualte thupha chawi tawn ula, inṭawngṭaisak tawn ṭhin rawh u. Mi fel ṭawngṭaina chuan thil nasa tak a ti ṭhin."_ (Jakoba 5:16)

Mi tam tak chuan, "Tuna ka pal tlang mek hi tuma'n an hrethiam lovang" ti a an ngaihtuah avangin an hlauhna te an thup bo ṭhin. Mahse chutiang ngaihtuahna chuan hmasawn thei lovin a siam ṭhin che. Chu "hmasawn thei lo/tan tlatna" chu Setanan i awmna tura a duhzawng tak a ni. Chuvang chuan i hlauhna kha salbeh nan che a hmang a, Pathian leh i ringtupui te ṭanpuina dil lo turin a siam che a ni.

Setana hlauhna chi thum, salbeh nan che a hmang ṭhin.

*A hmasa berah chuan, i rilru sukthlek ngei mai kha i hlau ṭhin.* "He thil, he natna, he ka theihnghilh theih loh hi, emaw he sual hi emaw ka hmachhawn chuan ka rilru sukthlek hi ka thunun zo lovang a. Ka chhe vek thei a, ka insum zo lo thei a, ka rilru lam hriselnain a tuar thei bawk" tiin i ngaihtuah mai thei.

Ka han hrilh nawn leh che ange: Thil ṭhenkhatah chuan mi tam zawk chuan rilru sukthlek danglam nasa lutuk hi an thunun zawh an ring lo ṭhin. Mahse i thei - a bikin Pathian leh i ringtupuite ṭanpuinain. He hringnun hi kan hmangho vek a- chuvang chuan mahniin ka thei a ni tih rilru puin tider tawh lo ila, i inṭanpui tawn ang u.

*A pahnihnaah chuan, miten an lo dawnsawn dan turah hlauhthawn kan nei ṭhin.* "Dik taka ka tih chuan miten min teh ang, min hnawl ang, anih loh pawhin min kalsan ang. Ka nihna dik tak ka puan zar a min duh miah loh chuan engmah ka nei dawn tawh loh tihna a ni" tiin i ngaihtuah a ni mai thei. Mahse hnawl emaw phatsan emaw kha i hlauh ber tur a ni lo. Rom 8:31-ah chuan kan tan Pathian a awm reng tih min zirtir. Midangte laka i rinawm chuan chu chuan i thil hmachhawn mekah a pui che anga midangte nen in inlaichinna a siam ṭha leh zual ang.

*A pathumnaah chuan, dikna hian awmzia a nei lo ang thih hlauhna a awm ṭhin.* "Engnge a ṭulna? Engvangin nge midangte ka hrilh ang? Engmah a danglam phah dawn hleinem" tiin i ngaihtuah a ni mai thei. Mahse hei hi thudik chu a ni: kan inpuan chuan Pathianin damna min tiam. Jakoba 5:16-ah chuan heti hian kan hmu, _"Chutichuan, tihdama in awm theih nan in sualte thupha chawi tawn ula, inṭawngṭaisak tawn ṭhin rawh u. Mi fel ṭawngṭaina chuan thil nasa tak a ti ṭhin."_ Pathian chu dawt sawi hmang a ni lo. Zalenna i la nei ngai lo anih chuan dikna i nei tluantling lo tihna a ni. Damna hi tlawmna leh thupha chawinain a inṭan ṭhin.

Chuvangin, ṭanpuina i dil hmain eng ang chiaha ṭha lo nge anih tawh? Natna hi hnawl nihna bang ei hawngtu a ni. A kawtawpah i ṭang mek anih chuan a lawmawm e, chu chu danglamna inṭanna tur atana hun ṭha ber a ni. Hei hi hre reng rawh, khawngaihna i hmuh theih nan Krista a thi a ni, chu khawngaihna chu danglamna thlen theitu a ni. Tun hi rahbi hmasa ber rah hun a ni.

Ngaihtuah zui atan.

Miin rilru lama harsatna an tawhin engtinnge i ṭanpui? Chu chuan engtinnge in inlaichinna a tihngheh?

Midangte ang i nih chuan, eng emawah mite hnawl leh pawm loh nih i hlau ṭhin. Mahse Rom 8:31-ah chua heti hian kan hmu, _"Kan lamah Pathian a ṭan chuan tunge mi do thei ang?"_ He thudik hian engtinnge midangte hlau lo tura a fuih che?

I ringtupuite lakah i sualna i zep miah lohna aṭangin eng damna nge i tawn tawh? Vawiin hian midang hnenah eng i hmachhawn mek nge i puan ang?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...