Monday, February 17, 2025

KRISTA CHAUH HI ZALENNA KAWNG A NI

_Hringnuna Danglamna Rahbi_

Rick Warren
17 Feb, 2025
“Bawih ni lo tûrin Krista chuan min chhuahtîr kha; chutichuan, ding nghet ula, bâwih nghâwngkawlah chuan tâng leh tawh suh u.”
‭‭GALATIA‬ ‭5‬:‭1‬ 

Pathian hian nun zalen nei turin a duh che a. I chin dawklak thil tha lo thunun tlat che leh hnuk hniam thin tu che lakah i zalen a duh a. Natna leh tawrhna i nunhlui a mi chelh tlat tu che lakah i zalen a duh a. Krista hmanga zalenna boruak thiang i hip a duh a ni.

Bible chuan, "Bawih ni lo tûrin Krista chuan min chhuahtîr kha;” (GALATIA‬ ‭5‬:‭1‬ ) a ti a.

He zalenna hi a innghahna chu beisena kan thlan zelna - Pathin a awm rinduh tlatna te, zalen tir tur chein theihna a nei tih i rinnah ah te a innghat a ni.

Mahse Pathian in zalenna kalkawng a sawi hi kan ngaihdan nen a in kalh viau. Zalenna chu tlanchhiatna atangin a intanah kan ngai fo a. Hahdam thuai thuaina leh beisei thuai thuai tur kan zawng a, Pathianin kan damna tak tak tura a kawng duan kan hawisan fo thin.

Thenkhat tan chuan tlanchhiatna kawng chu zu, damdawi, pawisa khelh, video tha lo en, bazar, thil ei, hnathahw thlengin a ni thin. Mahni in khawngaihna pawh tlanchhiatna a ni thei, chu chuan hahdam kan rinna hmun thim tak takah min hruailut thei a ni.

Mahse heng tlanchhuahna rei daih lo tak tak hian hun tawite chauh min chhawk a. A tawpah chuan, nun ruaka min siamin - a ngawl min veitir thei hial bawk.

Pathian in zalenna kawng ruahmanah hi chuan ka fellohna kan hmachhawn te, kan natna kan hmachhawn te, kan chin tha lo kan hmachhawn te a tul thin a. A nihnaah chuan, Pathianin hengte hi sûn vek turin min duh a ni. Sûn tih awmzia chu i chân tawh tih i inpawm a, i nuna fello i pawm kha a ni a. A awmzia chu zalenna tur hian  tlanchhuak der tum tawh lova, he khawvel hian zalenna tak tak a pe thei lo che tih i inpawm thlap kha a ni.

Pathian chauhin a thei.

I inpawm a, heng i thlahliam hian Pathian chuan hahdamna leh chakna tak tak a pe ang che. Chu chuan Pathianin i nun a thlak danglam mek angin zalennaah a hruai ang che. Matthaia 5:4 chuan, “Lusunte chu an eng a thâwl e; thlamuanin an la awm dâwn si a.”
‭‭Matthaia‬ ‭5‬:‭4‬ ‭(NIV) a ti a.

Hei hi thutak chu a ni: zalenna thlen thei nun hahdam tak hmangin i nei thei dawna inngaih hi mitdawivaih thil ang lek a ni. Pathian hmang chauhin i nei thei a - i bo na leh thil nihna tak hmachhawn chungin. Chutah chuan Pathian in a tawk thei dawn che a ni.

He tawngtaina hi lo ngaihtuah mah teh: "Lalpa, ka zalenna atana ka beiseina awmchhun chu nangmah atang chauhin a ni tih pawm thei turin min pui la. Tlanchhiat san tum lo turin leh nangmah rin tuin min pui ang che. Zalenna leh beiseina kawng awmchhun i ni tih hmuthiam zel turin min pui ang che. Amen"

Ngaihtuah zui atan...

Kristaa zalenna tak tak awmzia hi engnge nia i hriat a, a takin i tawng tawh em?

Natna leh i tânna hmachhawn lova pehhelna i zawn thin dan engtin nge? Chu chuan khuareiah engtin nge i nun a nghawng?

I natna, chânna leh hlohte Pathian hnena i thlen hian hahdamna leh damna tak tak Pathianin a thlen theihna tura kawngka a hawn dan engtin nge ni le?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...