Saturday, February 15, 2025

DAMNA HI HUHO NUN/ PAWLHOAH A AWM

_Hringnuna Danglamna Rahbi_

- Rick Warren 
- Feb 15, 2025
_"Chutichuan, tihdama in awm theih nan in sualte thupha chawi tawn ula, inṭawngṭaisak tawn ṭhin rawh u."_ (Jakoba 5:16)

Mahni chauhin i hlauhna te leh hlawhchhamna te i hneh thei lo. Pathianin midang mamawh turin a siam che. Chuvang chuan Pathian lakah chauh ni lo, midangte lakah tlang taka i nun a ṭul - thlemna, ṭhat lohna, hlauhna leh natna chungchangah te.

Thuhriltu 4:9-10 ah chuan heti hian kan hmu, _"Pahnih chu pakhat ai chuan an ṭha zawk, an thawh chhuah ṭhat avângin. An tluk pawhin pakhat chuan a ṭhian chu a khaiding dawn si a; mahni chauva awm kha erawh chu a chung a pik e, a tluk chuan khaidingtu tûr a nei si lo."_ Inmamawh tawn tura duan kan ni. I hatsatna te mahni chauha hmachhawn tura siam i ni lo.

Thuthlung Tharah hian "tawn/pui" tih hi vawi 58 lai a lang. Inhmangaih tawn, inṭanpui tawn, inṭawngtaipui, infuih tawn tura tih kan ni. Chu chu Kohhran leh ṭhianzaho din chhan a ni. Ringtute kan ni ringawt lova, inzawm khawm kan ni. Pawlhoah chauh damna tak kan hmu, a chhan chu Pathianin inmamawh tawn tura min duan avangin.

Ringtu inpawlhote khan eng harsatna karah pawh - rinna kawnga harsatnaah pawh nise an pui vek thei che. Joba 6:14-ah chuan heti hian kan hmu, _"Tun ang hun khirhah hian ṭhin rinawm ka mamawh - Pathian ka hawisan emaw pawh nise"_  (GNT). Rin i harsat viau lai khan ṭhian tak tak chuan, "Kan ring ang che. Hei hi kam pal tlangpui ang che." an ti ṭhin. Chutiang inṭhianna ang chu Pathianin a duh a ni.

Anih chuan engtinnge in ṭhian pawlhoah emaw Kohhranah emaw damna i hmuh ang? Jakoba 5:16-ah chuan a chhanna kan hmu: _"Chutichuan, tihdama in awm theih nan in sualte thupha chawi tawn ula, inṭawngṭaisak tawn ṭhin rawh u."_ Damna hi kan harsatna/natna kan inhrilh tawn hian a lo thleng ṭhin. I rilru chhungril i sawi chhuahna kha damna inṭanna chu a ni.

He kawng hi chapona avang erawh chuan a harsa khawp mai. "Pathian hnenah ka hrilh ang, midang hnena sawi lovin" i ti a ni mai thei. Mahse hei hi thudik chu a ni: ngaihdamna chauh i duh chuan Pathian hrilh mai rawh. Midangte hnena i harsatna te i tarlan ngamna khan tlawmna a pe che. Chu chu thil ṭha tak a ni, a chhan chu Pathianin mi inngaitlawm te a khawngaih ṭhin avangin.

Danglamna tak tak hmuh i duh chuan nangma chungah leh i ringtupui i rin em em te hnenah tlang taka i nun a ngai. Damna hi huho nunah hian a awm.

Ngaihtuah zui atan.

Engvangin nge Pathian leh i mi rinzawng te chungah i harsatna te i thlen a ṭul?

Thuhriltu 4:9-10 hian engvangin nge i tluk laia puitu che an awm a pawimawhzia a tarlan? Engtinnge pawlho/huho zinga i mamawh nen inzawmna a neih?

Joba 6:14-a kan hmuh ang ṭhian rinawm hi engtinnge i nih ve ang, an harsat laia mite ṭanpui a, an rinna a hnual viau lai pawha pui turin?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...