_Beiseina Bulpui_
- Rick Warren
- Jan 04, 2025
_"Kan sualte kan puan chuan kan sualte min ngaidam ang, a chhan chu thil ṭha ti turin Pathianah rinna kan nghat ngam ang. Kan tih sual zawng zawng lak ata min chhandam ang."_ (1 Johana 1:9, NCV)
Sual ni a inhriat hi chuan thil dang ngaihtuah hi a har khawp mai. I ngaihtuahna aṭanga paih bo i tum loh leh a rawn ri ring tulh tulh ang! Ping-pong ball (plastic ball te tak te) tam deuh tuia hnim pil tum ang vel a ni. Pakhat i nem pil chhungin a dang a rawn lang chhuak zel ang a, hlawhtling si lovin i hah em em ringawt ang.
I sualna te chinfel tuma ṭan i khawh kha Pathianin i hun hman dan tura a ruahman a ni lo. Chhia leh ṭha hriatna aṭanga zalenna leh lawmna i tawn hriat a duh a ni.
I sual lak ata i zalen a ngai, mahse engtinnge i tih ang?
I tihsual te lak ata zalenna i neih theih dan awm chhun chu i sual te i puan kha a ni, a awmzia chu Pathian hnena i sualte hlan a ni. Heti hian ṭawngṭai la, "Lalpa, i dik a, keimah hi ka dik lo a ni. Sualah ka tlu a, ka buai zo vek a ni" tiin. Mahni insawi thiam emaw chhuanlam siam emaw i dikna lantir emaw tum lova, i pawm mai kha a ni.
"Inpuang" tih hi a Greek ṭawng chuan _homologeo_ a ni a, _homo_ tih chu "inang" tihna a ni a, _logeo_ tih chu "sawi" tihna a ni. "Thu inang sawi" tih awmzia chu Pathian thu pawmpui a sual hi suala pawm mai hi a ni.
Bible-ah hian Pathianin thutiam ropui tak mai min hnutchhiah: _"Kan sualte kan puan chuan kan sualte min ngaidam ang, a chhan chu thil ṭha ti turin Pathianah rinna kan nghat ngam ang. Kan tih sual zawng zawng lak ata min chhandam ang."_ (1 Johana 1:9, NCV)
Sual ṭhenkhatte ni lovin sual zawng zawng tiin a sawi. Pathianin kan sualna ṭhenkhat nakina min khen let nan a khek dawn tih a sawi lo. Kan sual zawng zawng ngaihdam min tiam. Tleng fai vek turin a inpeih!
Lungngaihna, hliam leh dik lo tam tak i phur mek em? Tunah khan ngaihtuah nghal rawh. I chak lohnaah i sualna te zawng zawng Pathian hnenah puang la. Bul ṭan a, kawng hrisel zawk zawh turin chakna a pe ang che. I tana Pathianin a ṭha ber a pek tur che daltu natna kha a lak kiansak ang che.
Hla phuah thiam Ralph Waldo Emerson chuan heti hian a ti, "Ni khata i tihtur ti zo zel rawh. I tih theih tawk i ti tihna a ni. Vawiin ni thar duhawm takin beiseina leh sawmna a ken tel hi nimin lam thil buaipuisan daih atan chuan a uihawm lutuk" tiin.
Nimina i tihsual buaipui nan minute khat pawh hmang tawh suh. Vawiin hi ni thar leh bul ṭan tharna ni a ni.
Ngaihtuah zui atan.
Pathianin a ngaihdam theih loh ni a i rin sul emaw chak lohna emaw a awm em? Bible chuan Pathianin eng sual pawh a ngaidam thei tih min hrilh. Chungte chu a hnena la turin Pathian puihna i dil tawh em?
I sualte sawi mam emaw sawi thiam emaw i tum tawh em? Engtinnge?
Sual pai reng lova chin ṭhan ṭha zawk leh hrisel zawk ni a i hriat engnge?
[Lettu: Mapuia Fanai]
No comments:
Post a Comment