Friday, January 24, 2025

NUN INSAWRBING, NUN THILTITHEI

_I Tawpna Tur Hmuchhuak Rawh_

By Rick Warren
— January 24, 2025
“Kan ram lamah, ka laichînte hnêna kalin ka fapa Isaaka hi nupui i neihsak zâwk tûr a ni.” [Genesis 24:4]

Nun insawrbing tluka nun thiltithei a awm ngai lo. Eng ang deuh a ni. Eng insawrbing lo leh ṭai darh chuan thiltihtheihna a nei lo. Mahse, enlenna [magnifying glass] hmanga chu eng chu i sawrbing a nih chuan mei fawh kaina atan i hmang thei hial a. Chu eng tho chu i sawrbing lehzual a nih chuan eng thilthei tak laser ah a chang ang a, thir tanna atan te, cancer thahna atante a hman theih tawh ang.  

I nun kha chutiang deuh chu a ni. I nun chu a insawrbing ang zelin thiltihtheihna a nei tam ang a, i nunah ngeiah pawh hlawhtlinna i chang tam bawk ang. Bible-a chang lar tak chu Genesis 24 a ni awm e. Chung chu Abrahama, Eleazara, Isaka leh Rebeka te chanchin a ni a, an chanchin aṭanga chuan ni eng emaw zat kan zirlaite kan zir leh dawn a ni.  

Pathian chuan Abrahama chu hnam ropui takte pa a nih tur thu a sawi a, mahse Abrahama chu a lo upa ve ta a, amaherawhchu Isaka chuan nupui a la nei si lo. Abrahama khan tu leh fate nei lo chuan engtin nge hnam ropui tak chu a din chu a theih ang tih a chhut a. Ruahmanna a siam ta a ni. 

A chhiahhlawh Eleazar-a hneh chuan hetiang hian a sawi, “Kan ram lamah, ka laichînte hnêna kalin ka fapa Isaaka hi nupui i neihsak zâwk tûr a ni.” [Genesis 24:4]

“Khawvelah hian eng vangin nge chutiang thilah chuan ka tel ve kher ang a” i ti mai thei. Awle, ka hrilh ang che. Chutiang chiah chu kum sang chuang liam taah khan a lo thleng tawh na a, vawiina i nun tan awmze thuk tak a la nei thei. Thil tih tur hmachhawp neiin, thil tihtum ngei i nei em? Eleazara chanchin hian i nunah awmze thuk tak a nei thei awm e. 

Abrahaman a fapa nupui zawng tura a tih chiah khan Eleazar-a nun chu a insawrbing ta vak a nih kha. Nangmah ngei pawh i nun ngunthluk lehzuala thutlukna i siam a nih chuan engnge a lehpekah chuan i tih ang? Duhthusam ropui um tur chuan khawi laiah nge bul i ṭan ngai ang?  

Hlawhtlinna chang tura rahbi pawimawh hmasa berah chuan tuna i awm mekna kha i hriat chian hmasak a ngai. Chutianga ti tur chuan heng zawhna pawimawh tak takte hi i inzawh hmasak a ngai ang. Khawiah nge ka awm? Khawi laiah nge tihdam ka duh ang?

Hetiang hian han ngaihtuah teh. Nangmah hmu tura ka lo kal a nih chuan, “Engtin nge ka lo kal theih ang?” tih zawhna ka zawt che a nih chuan, “Tunah khawi laiah nge ka awm?” tih chu i zawt hmasa ngei ang. 

Tun hmuna i nihna hre chiang hmasa zet lo chuan i kal duhna hmuna kal dan tur chu i hre thei ngai lo vang. Tun dinhmuna i nihna i hriat hmasak a ngai. Chumi rual chuan, i tun dinhmun i chhut ngun pawh a ngai bawk ang. Abrahama ang khan thil i thlak danglam duh chu chiang taka i thlanfel a ngai ang. 
Tun dinhmuna i nihna hriat chian chu i nun sawrbing thei tura thil pawimawh hmasa chu a ni ang a,  tichuan i nuna i suangtuahna/duhthusam neih te chu mumal zawkin i umzui leh thei ang. 

Duhthusam hmathlir hlen chhuah chu i ti tak tak dawn a nih chuan hetiang hian lo ṭawngtai ang che: 

“Lalpa, ka nun-a thlak danglam ngai apiang hmu fiah thei turin finna min pe la. Ka nuna hmabak ka neih zawng zawngte hi ka hun ṭha ber lo ni mawlh rawh se. Ka duhthlanna a nih thu i sawi a; duhthlan theihna ka nei. Ka tih turte min zirtir la. Tuifawn anga then vel mai mai ka duh tawh lo. Hawi zawng neia kal ka duh e. Hmathlir min pêkte tihlawhtling turin ka nun hi en tur dik tak min entir ang che. Isua hmingin ka dil e, Amen.” 

Ngaihtuah zui atan. 

I nun thlir let changin, ngunthluk taka thil i chhut lai chu engtik nge? I insawrbing loh lai hun chu eng laiin nge? 

I nun tana hmathlir ropui tak i neih chu engnge ni? I nei lo a nih chuan, i nuna thlak danglam i duh lai chu ngun takin han ngaihtuah teh? 

Engtin nge i bul tanna i hriatna chuan i kawng zawh zel tur chu mumal taka zawh tur chuan a ṭanpui theih ang che? 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...