_Hmalam Hun Atana Inbuatsaihna_
- Rick Warren
- Jan 12, 2025
_"Chutichuan, atuk atan lungkham suh u, atuk chuan ama tan a lungkham chawp dawn si a. Ni khat atan ni khat hrehawm chu a tawk a ni."_ (Mat. 6:34)
Hmalam hun chungchang thu lawmawm pakhat chu vawi leh khatah min deng dawt lo hi a ni. I nuna thil thleng zawng zawng (a chhia leh ṭha) i hmaah pharh ni ta se, chimbuaitu lian tak a ni ngei ang. Chuvang chuan Pathianin tlem te tein, darkar 24 zelin a pe che.
Pathianin vawi khatah ni khat zel a pek che avangin chu chu hringnun hmachhawn tura a duh dan che a ni. Ni khat atan zel nung la, chhiartlakin nung rawh.
Isuan heti hian min zirtie: _"Chutichuan, atuk atan lungkham suh u, atuk chuan ama tan a lungkham chawp dawn si a. Ni khat atan ni khat hrehawm chu a tawk a ni."_ (Mat. 6:34)
Isuan buaina puk tawh lo turin min ti. Karlehah thil thleng tur awm se, engvangin nge vawiin hian i lo lungngaih ve viau ni?
Lungngaihna hian hun kal tawh a siamṭha thei lo. Hmalam hun a thunun thei hek lo. Lungngaihna chuan retheihna a thlen mai zawk che a ni.
Khawngaihna i mamawh zawng zawng Pathianin a pe che- mahse nitin, nikhat atana tawk chiah zelin. Chung thiltihtheihna zawng zawng chu karleh emaw thla leh emaw chhunga i hman atan i nunah a tiang khat ur lo. Heti hian ṭawngṭai turin min ti, "Nitin kan ei khawpin chaw min pe ang che" (Mat. 6:11). Ni khat atana nung zel turin a duh che.
I hma hunah engnge lo thleng dawn tih i hriat loh pawhin ni khat atan zel ke i pen thei. Chu chu i tih tura ruahman chu a ni!
Thil engkim hi chiang lo ruaia awmin, hmalam hun atan thutlukna fing tak i siam thei lo anih chuan vawiin hi zel hi ngaihtuah rawh. Hmalam hun atan ruahmanna siam a, ṭawngṭai a, Pathiana rinna nghah hi a pawimawh, mahse vawiin awmze nei taka hmang tura i tha leh zung i sen Pathianin a beisei che.
Hetianga tih theih dan kawng ṭha ber pakhat chu i thil hmuhte lakluh tam loh hi a ni. Chutiang ni lovin, Pathian hmangaih leh duhzawng, i thlarau nun ṭhan lenna leh ṭanpui ngai ṭanpui kawngah ke pen rawh. Chu chu ni hman dan ṭha a ni.
Pathianin naktuk atana i lungkham a duh lo, mahse intiamkamna ang maia ngai turin a duh chuang lo che. _"Naktuka i tihtur lo aupui pung pung ringawt suh; naktukah engnge thleng hmasa dawn i hre si lo."_ (Thufingte 27:1, MSG). Thil zawng zawng hi fiah lo ruai anga a lan laiin i hmuh theih dan ber a ni thung si.
Naktuk atan ruahmanna siam la, mahse vawiin atan nung rawh. Chung zawng zawnga dawhthei taka i awm theih nan Pathianin i mamawh a pe zel ang che.
Ngaihtuah zui atan.
Engnge ni tilungngaitu che, i thunun theih miah si loh kha? Lungngaihna hian tha a heh hle! Chu lungngaihnaa i tha hman ral ṭhin chu engtinnge vawiin hian thil tihpuitlin nan i hman ang?
Nitin Pathian khawngaihnaa i innghah hian eng angin nge a lan ang?
Engtinnge ruahmanna felin vawiin ṭha taka a hmantir theih ang che?
[Lettu: Mapuia Fanai]
No comments:
Post a Comment