Saturday, January 18, 2025

I RILRU TANA INDONA

_Hmalam Hun Atana Inbuatsaihna_

- Rick Warren 
- Jan 18, 2025
_"Tisa dana awmte chuan tisa lam thilte an duh thin; Thlarau dana awmte erawh chuan Thlarau lam thilte an duh thin."_ (Rom 8:5)

I chhungah, i nunhlui sual lam awmn reng leh Krista aṭanga nun thar i neih kha an insual reng ṭhin. He indona hi hneh i duh chuan i ngaihtuahna i thlak a ngai.

Engvangin maw? I thil ngaihtuah dan khan i thil dawnsawn dan a hril a, i dawnsawn dan chuan i chet chhuah dan a hril bawk a ni. Beidawng taka i chet chuan beidawnna rilru i put vang a ni. Beidawnga i awmna chhan chu beidawnna tur thil hlir i ngaihtuah vang a ni. Mahse chung suangtuahna khawvelah te chuan i awm reng tur a ni lo. I ngaihtuahna te kawng ṭha lama kaihruai turin Thlarau Thianghlim puihna dil rawh.

Setanan ngaihtuahna a siamsak che chuan chu chu thlemna chu a ni. Mahse Pathianin ngaihtuahna a pek che chuan Pathian fuihna aw a ni. Khawi zawk nge i thlan dawn? Rom 8:6-ah chuan heti hian kan hmu, _"Tisa dana awmte chuan tisa lam thilte an duh thin; Thlarau dana awmte erawh chuan Thlarau lam thilte an duh thin."_

Thihna aia nunna leh muanna thlang lo tur an awm ka hre lo. Mahse thudik chu anglai pawh hian mahni chhiat theihna tur ngaihtuahna kan nei reng tih hi. Engnge i tih tak ang le?

Ngaihtuahna thunun loh ata Thlarau Thianghlimin a zalentir dan che chu hei hi a ni: Thil thlak danglam a ni. I nunah eng emaw thlak danglam i duh chuan chu thil chu dodal lo la; thlak danglam zawk rawh.

TV i en mek laiin i thil en mek kha i tan a ṭha lo tih i hriat chuan channel dang hmet mai rawh. Meizial zuk bansan i duh laia meizial ringawt i ngaihtuah chuan i ngaihtuahna thlak danglam rawh. Bible chuan i rilru puthmang hlui kha rilru thara i thlak a ṭul tih min hrilh.

I rilru hlui thlaka rilru thar pu turin Thlarau puihna i dil thei ang. I dilna Pathianin a chhang tih i hmu ang. Thil ṭha lo aia thil ṭha i ngaihtuah a, sual aia ṭha lam i ngaihtuahin, thil hlui a rala a tibuai tawh lovang che.

Chuvangin i rilru ngaihtuahna thlak turin Thlarau Thianghlim sawm rawh. Heti hian sawm la: "Thlarau Thianghlim, i duh hun huna ngaihtuahna thar min pe turin ka duh a che. Ka thinlung ka hawng a ka pawm tlat ang. I tan ka inhawng e."

Ngaihtuah zui atan.

I ngaihtuahna khan i thil dawn sawn dan a hril a, i thil dawn sawn dan khan i chet chhuah dan a hril ve bawk. Vawiinah hian engtin nge thil i dawn sawn a eng angin nge i chet chhuah? Hrisel zawka thil i dawn sawn theih nan leh i chet chhuah theih nan i ngaihtuahnate thlak danglam ngai a awm em?

Thlak thlengna Dan chuan, i nuna thil i thlak danglam duh a nih chuan lo dodal lovin i thlak tur a ni a ti. Eng ngaihtuahna hrisel lo, rilru let but leh tih ṭhan ṭha lo i lo dodal ve ṭhin? Engin nge i thlak thleng theih ang?

Engtik lai khan nge Thlarau Thianghlim pek a i ngaihtuahna ṭha lo te thlak thleng tur a ngaihtuahna thar i neih? Vawiinah hian chu chu tihsak tur che a dil i ngai em?

*Beiseina min tithlawn lo tur chu khawiah nge kan zawn ang.*

Pathian chuan a hmangaihna che chu a fapa Isua Krista kal tlangin a lan tir a. Bible chuan, "Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan." (Johana 3:16)

Chatuana a thutiam te a tih hlawhtlin theih nan Pathian ring turin i inpeih em? Anih chuan he ṭawngṭaina awlsam te hian bul han ṭan ta che:

"Isu, ka sualna hian nang nena min ṭhen hrang reng hi ka duh tawh lo. Isua ka rin chuan ka thiltih sualte ngaidamin kan damchhan min kawhhmuh anga, i chhungkuaah min pawmin engtik niah emaw chatuana i hnena chêng turin vanramah min hruai ang tih ka ring tlat a ni.

"Isu, ka sualte i hmaah ka puang a, min Chhandamtu i ni tih ka ring e. Ka sualte ka puan a ka rin che chuan chhandam ka ni ang tiin min tiam a. Ka nunah lo lal turin ka sawm a che. Vawiin hian ka nun i tan ka hlan e.

"Min siam angin mahni duhzawng anga awm lovin ka nun zawnga i rawng bawl ka duh e. Ka nun i tan ka hlan a, min chhandam a i chhungkuaa min pawn turin ka ngen a che. Isua hmingin, Amen "

Isua pawm tura i ṭawngṭai a nih chuan Rick@PastorRick.com ah hian min rawn bia la, Isua nen zinkawng in zawh dunna atana thil ṭulte ka lo thawn dawn che nia,

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...