_Hnuhma Chhinchhiah Tlak Hnutchhiah_
By Rick Warren
— December 06, 2024
“Lâk aiin pêk a hlâwk zâwk,’ a tih kha hre reng rawh u.” [Tirhkohte 20:35]
Mi hlim thei tak nih i duh em? Mi tu emaw hlim reng chungchang erawh ka sawi tum a ni lo. Chu chu thil theih loh a ni. Ka sawi tum zawk chu Lalpaa lawmna nei mi a ni, hringnun kawng chhuk chhovin a chim buai phak baka awm mi chu a ni e. Mi hlim thei tak chuan hun harsaah pawh Pathian hnathawh chu an thlir thiam ṭhin.
Chu chu mi hlim thei tak nih dan chu a ni: Isua chuan Tirhkohte 20: 35 ah hetiang hian a sawi, “Lâk aiin pêk a hlâwk zâwk,” tiin.
He Bible chang hi ka duh hle ṭhin, a chhan chu he thu hian pehhel engmah a nei miah lo. Isua khan a dawngtu nihna ringawtah chuan hlimna a awm lo tiin a sawi em? Aih. A dawngtu nihnaah hian hlimna chu a awm tho. Mahse Isua chuan a pe chhuaktu dinhmunah chuan hlimna tam zawk a awm tiin a sawi.
Chu chu khawvelin a ngaihdan letling chiah chu a ni. Mi tam berte chuan a dawngtu dinhmunah chuan hlimna a awm tam zawk niin an ngai a. I neih tam ang zelin i lo hlim deuh deuh ang. Mahse khawvel chuan chutiang chuan a thlir lem lo. Ani chuan i thil neih i pek chhuah chuan amah i ang ber a ni tiin a sawi a – chu thilpek chuan hlimna a hring chhuak bawk.
Saddleback Kohhran-ah khan kum eng emawzat pastor ka ni a, kan kohhrana mi ni lo an lo inkhawm apiangin an thil chhinchhiah langsar tak pakhat chu kohhran hlim tak a ni tih chu a ni. Eng vang nge i hria em? A chhan chu kohhran thil phal tak a ni ṭhin a, a ni chhunzawm zel bawk.
Pathian chuan mimal ang leh kohhran ang pawhin thil phal zel turin min duh, a chhan chu amah an zelna a ni. Kan thilpekte chu midang malsawmna atan a hmang a ni. Tichuan, kan thilphalna chu keimahni mal min sawmna atan a hmang bawk.
I chhungte chu hlim lehzual turin i duh em? Chhungkaw thilphal zawk nih tum rawh u. Mimal angin mi hlim thei tak nih i duh em? A nih chuan mimal anga thilphal zawk ni ang che.
I lawmna chu Isua la hre lo tute tan eng ni rawh se. I thilphalna chu malsawmna hnar a lo ni ang.
Ngaihtuah zui atan.
• Eng vangin nge thilphalna chuan hlimna a thlen?
• Engtin nge Pathian thilpek i dawn hmangte chuan i lo thil phal lehzual deuh deuh theih ang?
• Fate i nei a nih chuan engtin nge an hnenah thilphal i zirtir ang?
[ *Lettu:* Peka]
No comments:
Post a Comment