Saturday, December 7, 2024

PEKAH PATHIAN I HNEH BAN THEI LO

_Hnuhma Chhinchhiahtlak Hnutchhiah_

- Rick Warren 
- Dec 07, 2024
_"Ka inah eitûr a awm theih nân sâwma pakhat zawng zawng chu thawhlawm inah rawn la rawh u, vân tukverhte chu hawnsak che uin malsawmna dawn sên loh khawp hial ka vûr dawn che u nge dawn lo, mi han fiah teh rêng u, Sipaihote LALPA chuan a ti."_ (Malakia 3:10)

Pathianin thilpek hmangin, a bikin sawma pakhata hmanga kan fiah theih thu min hrilh.

Malakia 3:9-10 ah chuan heti hian kan hmu, _"Anchhia lawh in ni ta; nangni he hnam pumpui hian Kei hi min rûksak si ṭhin a. Ka inah eitûr a awm theih nân sâwma pakhat zawng zawng chu thawhlawm inah rawn la rawh u, vân tukverhte chu hawnsak che uin Malsawmna dawn sên loh khawp hial ka vûr dawn che u nge dawn lo, mi han fiah teh rêng u, Sipaihote LALPA chuan a ti."_

Thilpek chungchanga ka rinna fiah tura Pathian hmaa ka kun hmasak ber kha ka theihnghilh thei tawh lovang. Kum 19 ka nih lai a ni a, college-ah kalin ba ka nei nual mai. Thla tawpa pek ngei ngei turin kan sikulah dollar 500 ba ka nei a. Ka ṭhianpa hnenah dollar 10 ka ba bawk a. Bank-a ka pawisa neih zawng zawng chu dollar 50 chauh a ni. Ka ba ka pe thei dawn lo tih chiang takin ka hria, chuvang chuan heti hian ka ngaihtuah ta a, "Pathianin min fiah rawh u a ti a. Ka'n fiah chhin teh reng ang e." tiin.

Tichuan ka bank account-a ka sum neih chhun dollar 50 chu la chhuakin Bible chhutna lama hnathawktute hnenah ka pe ta a. Heti hian thuziak ka thawn tel a, "He lehkha hawngtu hi tupawh lo ni ula, min ṭawngtaipui thei ang em? Mi rethei, ei tur pawh nei mumal lo zirlai ka ni a, ka ba rulhna tur pawh ka nei zo lo. Ka nuna Pathian ka dah hmasak phawt chuan ka mamawh apiang min pe ang tih ka ring a ni. Khawngaihin min ṭawngṭaipui rawh!" tiin. Engnge lo thleng dawn ka hre lawk hauh lo.

Kar thum hnu vel chuan kohhrana ṭhalaite zinga thusawi tura sawmna ka dawng a. Pathianni chuan pastor-in heti hian a sawi a, "Rick, i tan thawhlawm kan lakhawm e" tiin. Chutah chuan mite tana luang chhuak a hun hmang ve tur maia kal ka ni. Lawmman dawn lam ka ngaihtuah miah lo! Ka awmnaa ka let hma loh chu ka hawng lo a. A chhungah chuan dollar 561 a lo awm a. College-a ka pa rulh nan dollar 500 chu ka pe a. Ka ṭhianpa hnenah dollar 10 ka pe bawk a. Dollar 51 chu Pathian hnenah sawma pakhatah ka pe bawk a. Ka la rethei cheu, mahse ba ka nei ta lo!

Chuta ṭang chuan ka nunah chutiang ang chuan kawng tam takin Pathian hnathawh ka hmu ta ṭhin a ni.

I chhandamna thuah, ngaihdamnaah, zalennaah leh vanram thuah Pathian i rin thu i sawi - mahse sum leh paiah Pathian i ring em? I rin loh chuan, engnge a awmzia?

Sum leh pai chungchangah thutlukna i siam a ngai: A thutiamah Pathian a rinawm i ring em? Ka nun puma ka zui tawh hnu hian a thutiamah a rinawm ang tih ka ring!

Ngaihtuah zui atan.

Pathian tana le thei lo anga i inngaih avangin thilpek loh chungchang sawi mawi i tum ṭhin em? Engtinnge Pathianin i thil thlir dan a tihdanglam?

Sawma pakhat kaltlang hian Pathianin engnge zir tura a tih che ni a i hriat? Mahni chungchangah engnge zir chiang tura a duh che?

Engtinnge Pathian thutiamah i innghat ngam ang tih i hriat?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...