Friday, December 20, 2024

THAWNTHU TAWP DAN KAN HRIA

_Hnuhma Chhinchhiahtlak Hnutchhiah_

By Rick Warren
— December 20, 2024
“Tin, he Ram Chanchin Ṭha hi hnam zawng zawng hriattîrna tûrin khawvêl zawng zawngah hrilin a awm ang a; chumi zawhah chuan tâwpna chu a lo thleng ang.” [Matthaia 24:14]

Mihringte chanchin [History] tawp dan chu hrilhlawk theih a ni lo. 

Chu chu ka thinlung zawng zawngin ka pawm a. Chinfel a ni tawh a. A zo tawh. Rinhlelh tur a awm lo. A thawnthu tawpna chu ka chhiar tawh. 

Pathian Thu chuan thil tawp dan tur chu min hrilh tawh a. Engtik niah emaw chuan he khawvel thil zawng zawngte hi zial fel a la ni ang a, a fate chu a van inah a kianga khawsa turin a la hruai vek ang. Bible chuan, “Tin, he Ram Chanchin Ṭha hi hnam zawng zawng hriattîrna tûrin khawvêl zawng zawngah hrilin a awm ang a; chumi zawhah chuan tâwpna chu a lo thleng ang,” tiin a sawi [Matthaia 24:14]. 

Thil pakhat pawimawh em em hrilh che u ka duh a ni. He khawvelah hian lalram kan din dawn lo. Vanram Lalram zawk chu kan la luah dawn a ni. Kan ṭhiante leh kan chhungte leh kan ṭhenawmte leh kan thawhpuite – khawvel pumpui – chu vanramah kan hnena awm ve turin kan duh a ni. 

Kan thiltum ber chu Pathian Ramah midangte chu chatuan atana awm ve tura anmahni hruai luh a ni. 

Engtin nge Pathian chu kan chawimawi ang? Kan thinlung zawng zawnga amah kan hmangaih chuan amah kan chawimawi a ni. Mi hmangaih harsa takte kan hmangaih chuan Pathian kan chawimawi a ni bawk. Mi tinte hnena Chanchin Ṭha kan hrilh chuan Pathian chu chawimawiin a awm bawk a ni. Kan nuna buaina leh harsatna te thilmak hmang chauha chinfel theihte chingfel tura amah kan rin chuan Pathian kan chawimawi a ni. Pathian chu kan hmabak atana kan rin a, amah ngei chuan hnehna a chang dawn a ni tih kan hriat chuan kan chawimawi a ni bawk. 

Chu chu i nun i hman duh dan a ni ngei em? A nih chuan, he ṭawngṭaina tawite hmang hian ṭawngṭai ang che: 

“Isu duhtak, he khawvela i hnathawhnaah hian tel ve ka duh a. Min hmang duh a ni tih pawh ka hre bawk. Ka hmangaih hmasa berah khan lo let leh ka duh: nangmah ngeiah khan. Kum zabi 21naah hian i kut leh ke nih ka duh e. Ring tur leh i thiltumah chuan i hmanrua ni turin min pui ang che. Isua hmingin ka dil a che. Amen.” 

Ngaihtuah zui atan. 

• Pathianin i nun chanchin a ziak chhuak tawh a, hnehna a chang tawh a nih chuan nangma lamah engnge thlak danglam ngai ang? 

• Buaina leh hmabak thil tihtheihlohah chuan engtiangin nge Pathian i rin a ngaihna chu ni ang? 

• Vawiin hian tu hnenah nge Chanchin Ṭha chu Pathian rama an luh theihnan i hrilh ang? 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...