Thursday, December 19, 2024

PATHIAN RING LA, THIL ROPUI TI RAWH

_Hnuhma Chhinchhiahtlak Hnutchhiah_

By Rick Warren
— December 19, 2024
“Isuan anni chu a en reng a, an hnênah, “Chu chu mihring tân tih rual a ni lo va, Pathian tân erawh chuan engkim tih theih a ni,” a ti a.” [Matthaia 19:26]

Pathian nen chuan engkim tih theih a ni.

Isuan anmahni a en a, hetiang hian a sawi ta a, “Isuan anni chu a en reng a, an hnênah, “Chu chu mihring tân tih rual a ni lo va, Pathian tân erawh chuan engkim tih theih a ni,” a ti a.” [Matthaia 19:26]
 
Saddleback Kohhrana pastor hna ka thawh lai khan PEACE plan tih hmalakna kan kalpui ṭhin a. PEACE hmalakna chu “plant churches” [kohhran din], “equip servant leaders” [Chhiahhlawh rawngbawltu buatsaih], “assist the poor” [mi rethei ṭanpui], “care for the sick” [damlo kan], “educate the next generation,” [Ṭhangthar zirtirna pek] tihte an ni. Kohhran mi sang eng emaw zatte chu he leilunga harsatna lian ber berte – retheihna, zirna leh natna hmachhawn turin kan buatsaih theih ang? 

Chhanna awm tawh – la dik ngar ngar chu - Pathian lian tak kan nei chu a ni!

Dik tak chuan, a chang chuan mi ṭhenkhatte chuan, “Tu nge nia i inhriat a heng zawng zawngte hi tih i tum reng reng a?” tiin min zawt a. Chu chu zawhna dik lo a ni. Zawhna zawh tur pawimawh zawk chu “Pathian chu engnge nia i hriat reng reng a?” tih a ni. 

A chhan chu Pathian chuan engkim a ti thei. 

Isua chuan, “I rinna ang zelin i chungah thleng rawh se” tiin a sawi a [Matthaia 9: 29]

Pathian chuan a hmang duh che. Mal a sawm duh che a. I nunah khan thil ropui tak tih a duh a. Khawvel thlak danglamtu i nih a duh bawk. Mahse amah i rin hun erawh a nghak che. 

Chuvangin, “Ka thei lovang” tih chu sawi tawh suh. “Kan inneihna hi ka chingfel thei tawh lo.” “Min ngaina lotute chu ka hmangaih thei lo vang.” Chung chu dawt mai an ni! Pathian nen chuan engkim tihtheih a ni. 

Living Bible Paraphrase ah chuan Ephesi 3: 20 hi lehlin a ni, “Tunah chuan Pathian hnenah ropuina awm rawh se, ani chuan a thiltihtheihna ropui tak hmang chuan ka mitthla leh suangtuah zawng zawng aia ropui zawk chu a thawk thei a – kan ṭawngṭaina sang ber, kan duhthusam ber, kan ngaihtuahna ril ber leh kan beiseina sang ber aia nasa chuan a thawk thei a ni.” 

Chuvang tak chuan, heng fianrial thuzir hmang hian ka nawr lui che u a ni. Nangmahniah chuan theihna nasa tak a awm tih ka hria a – I ngaihtuah phak bak aia nasa leh ropui zawk fe chu a ni e. Pathian chuan a hmang duh che a, i rinna ang zel chuan nangmahah tihhlawhtlin a ni ang. 

I rinna kawnga buaina thlentu lian ber chu i hre thei em? Midang an ni miah lo a nia. Nangmah sawiseltu che an ni lo. Sual pawh chu a ni kher lo tlat. I rin lohna chu a ni. 

Duhthlan tur i nei em? Pathian rin chu i thlang thei a - i thlang lo thei bawk. Pathian chu ring turin duhthlanna i siam thei a – i thlang lo thei bawk. Rinnaa awm leh awm loh chu i duhthlanna a ni e. 

I nunah khan Pathian chu thil lian tak ti turin i duh em? Ring tawh ang che. 

Ngaihtuah zui atan. 

• Midang rinna avanga Pathianin thil ropui a tih chu i lo hmu ve tawh em? 

• Chutiang hmunah chuan awlsam takin Pathian i ring em? Amah rin chu engtik hmunah nge a harsat? 

• Amah tan Pathian chuan thil ropui tak tihna hmanrua atan a hmang thei chein i ring em? Eng vangin nge? 

[ *Lettu:* Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...