_Sawinghin Rual Loh_
By Rick Warren
— October 25, 2024
“Daniela chuan lal hnênah, “Bo hre thei emaw, aien thiam emaw, arsi chhui mi emaw, mi fing, chu thu khirh hrilh fiah thei tûr tu mah an awm lo vang. Amaherawhchu, vânah Pathian a awm a, ani chuan mite hnênah thu rilte a puang ṭhîn; lal Nebukadnezara hnênah pawh nakin lawka thil lo thleng tûr a rawn puang a nih hi. I mumanga i thil hmuh chu ka han hrilh ang che.” [Daniala 2:27-28]
Tun hnai fianrial thuzirah hian kum eng emaw zat aṭang khan Danial-a’n thil tih theih loh a hmachhawn dan kan sawi tawh a. Lal chuan mumang danglam tak kha hrilhfiahtu tur a zawng a ni. Lal mifingte khan lal mumang leh a awmzia an hrilhfiah thei lova, an thih phah ṭhelh a nih kha.
A hlauhthawnawm viau mai! Mahse Daniala chuan Bible zirtirna zuiin a kal a, chu chuan min pui thei ang: Hamhaih mai lo la, thudik tak chu dap ang che. Hun pawh sei tum la. Ṭawngṭainaa i thurualpui tur dap ang che. Pathian hnenah thlarauva ṭanpuina dil rawh. Pathian chibai buk rawh. Tichuan, i thil lo zir chhuah tawhte chu midang ṭanpuina atan hmang ang che.
Kan hmuh dan chuan Pathianin thutak a puanchhuah chu Daniala chuan a hun ṭha neih chu midangte Pathian lam hawitirna atan a hmang ṭhin.
Bible chuan Danial-a’n lal hnena thu a sawi dan hetiang hian a tarlang, “Daniela chuan lal hnênah, “Bo hre thei emaw, aien thiam emaw, arsi chhui mi emaw, mi fing, chu thu khirh hrilh fiah thei tûr tu mah an awm lo vang. Amaherawhchu, vânah Pathian a awm a, ani chuan mite hnênah thu rilte a puang ṭhîn; lal Nebukadnezara hnênah pawh nakin lawka thil lo thleng tûr a rawn puang a nih hi. I mumanga i thil hmuh chu ka han hrilh ang che.” [Daniala 2:27-28]
Daniala chuan lal mumang a hrilhfiah avang chuan remchang engmah lak a tum lem lo. Pathian chuan channa mumal tak a pe tih a hria. Chuvang chuan a rinawm thei a ni.
I chanchin ka hre lo, mahse mipa naupang kum 17 ni ta ila, lal lawmzawng eng emaw ka ti a nih chuan keima tan remchang ka dap ngei ang. Daniala chu a ṭawngṭai ngei a. Thu kha a ngaithla mai a. Thu a awih bawk.
Remchang eng emaw a dap ang em? Remchang dap thei a ni a, mahse a dap lo. Mite hnenah khan Pathian chu mite chhanchhuak tura thiltihtheihna neitu a ni tih lantir ngei a tum tlat bawk.
Hmingṭhatna um kher lova Pathian hnathawh thlir mai tute kaltlangin Pathianin thil ropui tak a ti ṭhin.
Bible-in a sawi dan chuan Davida chuan ring lo mi hnenah hetiang hian a sawi, “He thu ril hi i sawi fiah theih avângin i Pathian chu Pathian ropui ber a lo nih hi; lalte Lal a ni a, thu ril puangtu i nih ka hre ta,” tiin. [Daniala 2: 47]
Chu chu engnge awmzia ni ang? Ring lo mi hruaitu chuan leilung Siamtu chu a pawm tihna a nih chu.
Pathian lam mite i hawipui apiang chuan thilmak eng emaw a thleng ṭhin.
*Ngaihtuah zui atan.*
Thil duhawm eng emaw a thlen changa Pathian ropuina puang chhuak ngar ngartu tu emaw han ngaihtuah teh. Zirtir nihna awmzia chu chu mi aṭang chuan engtiangin nge i zir?
Thil engkima lawmna thinlung Pathian thilpek anga pawm theina thinlung neitu nih dan chu engnge ni ang?
I chatuan hmun khawiah nge i hman dawn?
Bible chuan Pathian, a Fapa Isua Krista kaltlang chauh chuan vanram i kai thei a ni tih a sawi: Nangmah chuan vanram i kai thei lo: “Rinna avânga khawngaihnaa chhandam in ni, chu chu in thawh chhuah a ni lo, Pathian thilpêk a ni,” tiin. [Ephesi 2: 8-9]
“Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.
“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamnatu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu:* Peka]
No comments:
Post a Comment