Thursday, October 24, 2024

PATHIANIN A THIL ZIRTIR CHE HMANG KHAN MIDANG ṬANPUI RAWH

 Sawinghin Rual Loh


by Rick Warren

— October 24, 2024



“Lalin mi thiam rual that tûra a tirh Arioka hnênah Daniela chu a kal a, a hnênah, “Mi thiam rual hi that mai teh suh, lal hnênah min hruai la, a mumang chu ka hrilh fiahsak ang e,” a ti a.’” [Daniala 2: 24]


Miten i lakah thil tihhlawhtlin hleih theih loh khawpa lian ngenna an siam chang chuan tlawmsan mai a chakawm chang a awm ang. In hnaa hotupa chuan nangmah thlaktu a hmu ta anga ngaihna i nei a. I kawppui chuan hre thiam thei lo tlat chein i hria a. In zirtirtu chuan engtianga tam nge hna [assignment] a pek tawh che tih reng a ngaihtuah duh lo niin i ngai a ni thei bawk ang. 


Mahse Pathian ruahmannaah chuan thil ṭha zawk a lo awm daih thei em? Pathianin chutiang dinhmuna a hun chhan che chu midang ṭanpui ve turin a duh che tihna a ni thei ang em? 


Ni eng emawzat kan zir tawh hnuin chu chu Daniala chanchinah hian kan hmu thei a ni. Hun khirh kan hmachhawn huna kan awm dan tur chu Daniala leh a nun aṭang chuan thui tak a hmuh theih a ni: 


1. Hamhaih suh, thudik dap khawm rawh

2. Hun tam zawk dil rawh

3. Ṭawngṭaina i zawmpui [partner] tur mihring zawng rawh

4. I theihna piah lama ṭanpuina awm thei dap rawh

5. Pathian chibai buk rawh


Tichuan, Daniala chuan Lalpan amah a ṭanpuina thiamna chu midang ṭanpuina atan a hmang ta a ni. Pathian chuan thiltihtheih loh lam aṭangin Daniala chu a ṭanpui a, mahse chu chu Daniala ngawr ngawr tan a ni lem lo. Daniala pawh chuan midang ṭanpui ve se a tih vang a ni. 


Bible chuan hetiang hian a sawi, “Lalin mi thiam rual that tûra a tirh Arioka hnênah Daniela chu a kal a, a hnênah, “Mi thiam rual hi that mai teh suh, lal hnênah min hruai la, a mumang chu ka hrilh fiahsak ang e,” a ti a.’” [Daniala 2: 24]

 

Pathian chuan lal mumang hrilhfiahna kha Daniala hnenah a pe tak naa, mahse Daniala chuan lal mifingte nunna tiderthawng zawng chuan chet kher a tum lo – Babulon mifingte kha! Babulon mite chu amah sala mantute erawh an ni ang lawi a. 


Pathian chuan nangmah chauh in chhandam turin a ti lo che. Mi zawng zawng chhandam a duh. I chhungte leh ṭhiante pawh chhandam ve a duh vek a. I elpui leh i hmelmate lam pawh a ṭanpui duh vek. Pathian chuan mitin a ngaihsak vek a ni. 


Keini pawh chutianga awm tur chu kan ni. 


Chuvang chiah chuan Isua Chanchin Ṭha hmang chuan midang nun kan khawih zel tur a ni ang. Pathian chuan mitinte chu amah hre tur leh a hnathawhte hre thiam ve tur chuan a duh a ni. 


Chu chu thuhretu i nihna tur leh khawvela i mission tur a ni ang – Pathian chuan fiahna i hmachhawnte chu i mission kal zel atan chuan a hmang thei. 


Ngaihtuah zui atan. 


I harsatna tawh aṭang chuan engnge midangte ṭanpuina tur i zir chhuah le? 


Pathian chhandamna thu chu i ṭhiante zingah hre lo an la awm em? 


Eng vangin nge fiahna i hmachhawn avang chuan Pathian hnenah lawmthu i hrilh ang? Harsatna hrang hrang i hmachhawn aṭang chuan chu chu i ti thei ang em? 


[ Lettu: Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...