Tihnghin Rual Loh
- Rick Warren
- Oct 26, 2024
"Lal Nebukadnezzara chuan thu a sawi a, 'Sadraka te, Mesaka te, Abednagoa te ,Pathian chu fakin awm rawh se; ani chuan a vântirhkoh a rawn tîr a, a chhiahhlawh a mah ringtute chu a chhanchhuak a, chûng mite chuan an Pathian chauh lo chu pahtian dang rêng rawng an bâwl lohva chibai an bûk loh nân lal thupêk tidanglamin an taksa an hlân ngam a.'" (Daniela 3:28)
Engtinnge harsatna/tawrhna i hmachhawn tih hi khawvel hmuha chanchin ṭha i puanna hmanraw pawimawh tak a ni. Natna kara Pathian chunga rinna i nghah tlat chuan ring lo mite Pathian hnenah i hruai ang.
Tlang taka sawi chuan, nang leh kei hian harsatna tawk lova hahdam taka kan awm lai hi chuan Pathian thu hretu kan ni lo fo. Heng hun lai hi chuan tupawhin Pathian rawng an bawl thei ang. Mahse hun khirh tak karah chuan thil a danglam leh daih ṭhin.
Daniela ṭhiante meialha an paih luh kha hre reng rawh. Pathian an ring tlat a, Pathianin mak tak maiin meialh ata a chhanchhuak anih kha.
Heng mite hian an rinna hmangin lal an hneh anih kha. Khang hun lai kha chuan lalte kha ram khata thuneihna sang ber neitu an ni.
Lal chuan heti hian a sawi hial, "Sadraka te, Mesaka te, Abednagoa te ,Pathian chu fakin awm rawh se; ani chuan a vântirhkoh a rawn tîr a, a chhiahhlawh a mah ringtute chu a chhanchhuak a, chûng mite chuan an Pathian chauh lo chu pahtian dang rêng rawng an bâwl lohva chibai an bûk loh nân lal thupêk tidanglamin an taksa an hlân ngam a."
Lal Nebukadnezzaran Daniela leh a ṭhiante khan Pathian an rin avangin lal thupek dodala thih hial an ngam thu a hmu a ni.
Thih ngam hial khawpa i din ngamna chhan i hriat chiah khan i nung tak tak a lo ni. Chutiang inpekna chuan meialh karah pawh huaisenna a pe ang che.
Thingkung ṭhenkhat chu meialhin a kan hnuah chauh an chawr ṭhin, North America rama far (jack pine) thing an tih ang te khu. A chi chu a rahah kawr sak tak maiin a tuam a, thil sa takin a nuai anih loh chuan a keh mai thei ṭhin lo. Sain a kawr a hem zawr hnuah chauh a chhunga a chi kha chhuakin a ṭiak thei. Sa tel lo hi chuan he far chi hi a ṭiak thei lo anih chu.
Chutiang chiah chu keini pawh kan ni.
A chang chuan meialh kara Pathian kan rinzia an hmuhin miten Pathian hnen an rawn pan phah ṭhin.
Chumi hmunah chuan tunah khan i awm mek anih chuan - meialh i kaltlang mek anih chuan - Pathiana rinna i nghah hmain a chhan i zawn vek a ngai lo. Tunah khan i hnehah a awm tih te, a hmangaih che a ni tih te, i ṭhatna turin a thawk ṭhin a ni tihte i ring a ni tih i hrilh thei ang.
Ṭanpuina dil rawh. Mahse meialh kara a chhamdam tur che ring turin a chhan hun che nghak kher suh. Midangte hnenah meialh karah pawh a ṭhatna te hrilh turin nghak suh.
Ngaihtuah zui atan.
Miin tawrhna a hmachhawn dan i hmuh aṭanga Pathian i hnaih sawt hun i tawng tawh em?
Engte nge thih phah hial i ngamna turte?
Tawrhna i hmachhawn laiin engtinnge Pathian ṭhatna sawi tura i inbuatsaih ang?
[Lettu: Mapuia Fanai]

No comments:
Post a Comment