_Ni 40 Chhung Ṭawngṭaina_
By Rick Warren
— September 13, 2024
“Kei leh nangni hi rinnaa kan inchâwm tawna, kan inṭanpui tawn theihna tûrin.” [Rom 1: 12]
Nangmah ringawt chuan thlarauvah i ṭhang lian thei ngai lovang. I tum mai thei a, mahse i khawhar ang a, i chak lovin i puitling tak tak thei lovang. I nunah khan Lalpaa mi chak an tam ang zelin nang pawh thlarau nunah i lo puitling ve deuh deuh ang.
Thlarauva ṭhanna chu inlaichinna a ni. Midangte nen kan ṭha zawk ṭhin!
Midangte nena inzawmna i nei lo a nih chuan Bible-a vawi 56 lai mai “tawn rawh u” [one another] a tih kha i zawm thei lo vang. In hmangaih tawn rawh u. Inlainat tawn rawh u. Inṭanpui tawn rawh u. Infuih tawn rawh u. Inṭawngṭaipui tawn rawh u. Inpe tawn rawh u.
Pathian chuan a zawm che, a chhungte zawm lehchhawng tur chuan a duh che a, tichuan a chhungte nen chuan in ṭhang lian ho thei ang.
Hringnuna a hmasa bera zir tura Pathianin a duh che chu amah hmangaih tur leh midang hmangaih zir tur chuan a ni. Midang [small group] zinga tel ve tura a duh chhan che chu i tana a ṭhat vang chu a ni. “Mi ṭhenkhat min mil miah lo, kan mil lem loh pawh an lo awm palh thei asin,” i ti mai thei. Chutiang mi chu i mamawh zawng an ni daih. I nunah khan i ngaihdan ni lem lo vuantute chu nangmah zawk khan i mamawh a ni, chutiang mi chuan mahni hmasialna i neih kha an lo su ang, midang ngaihtuah tur leh thilphal turin an kar hawng che ang che.
Mi ṭhenkhat chu an ṭhanglian thei ngai tlat lo. Mi ṭhenkhat chu anmahni leh anmahni khawvelah an tang tlat zel, “keimah” “ka” hun, ka mamawh, ka harsatna, ka ngaih pawimawh tih chu an nun hruaitu a ni ngar ngar. Vawi tam tak, Chutiang mite chu midang tana inhawng thei lo mite chu an ni fo. Mihring nuna thil lian tak pakhat chu hmangaihna a ni ngai a nih chuan nangmah leh nangmah insangmarin nuam i tih hmun chu chhuahsanin nangmahin midang i tihchak theihna hmun leh midang ṭanpuina i dawn theihna hmunah chuan awm ang che.
Midangte nen kan ṭhang lian ṭhin.
“Hmangaihna ngah tûr leh thil ṭha ti tûra inchawhthawh dân i ngaihtuah ang u. Ṭhenkhatin inkhâwm thlahthlam an chîng angin chîng ve lo ila, i infuih zâwk ang u; ni chu a lo hnai ta tih in hriat avângin i uar lehzual ang u.” [Hebrai 10: 24-25]
Ngaihtuah zui atan
Pathian mite [small group] zinga tel thei lo turin engin nge tihrang ṭhin che? Chu chuan engtiangin nge Pathian mite inpawlkhawm dik leh Bible zirtirna mil i mamawhzia a tarlan?
Pathian mite [small group]a i tel thei lo a nih chuan engtin nge kohhran mi dangte nen intihchak tawn turin in inzawm theih ang?
Engtin nge Isua khan Pathian chhungte nena i chenho theih nan a zirtir che u?
Pathianin a chatuan chhungkaw zinga tel ve turin a duh che.
Eng thil pawh lo ti tawhin khawi hmunah pawh lo awm tawh la, Pathian chatuan chhungte kiangah chuan nangmah nghak tlattu che i nei e. Sawmna chu zau taka hawn a ni a. Ring la chang mai rawh.
Pathian nihna leh a zahngaihna chu ring tlat la. I sualte puangin Pathian ngaihdamna chu dil ang che. Isua thutiam chu hauhin, a maha awm a chhandamna mitin tana a pek ṭhin, sual ngaihdamna chu ringin amah chu zuiin i Lal leh Chhandamtuah chuan pawm ang che. Pathian te chhungah chuan chatuan atan intulut ang che.
Bible chuan Pathian, a Fapa Isua Krista kaltlang chauh chuan vanram i kai thei a ni tih a sawi: Nangmah chuan vanram i kai thei lo: “Rinna avânga khawngaihnaa chhandam in ni, chu chu in thawh chhuah a ni lo, Pathian thilpêk a ni,” tiin. [Ephesi 2: 8-9]
“ _Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang_ .
“ _Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamnatu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen_ .”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu:* Peka]
No comments:
Post a Comment