Saturday, September 14, 2024

I DUHZAWNGTE PATHIAN HNENAH THLEN RAWH

_Ni 40 Chhung Ṭawngṭaina_

- Rick Warren 
- Sept 14, 2024
_"Amah ṭihtute chunga pain zahngaihna leh khawngaihna a lantir ṭhin ang hi Pathian chu a ni"_ (Sam 103:13, NLT)

Pathianin a hnenah engkim i thlenna turin a hmangaih che. I tuizawng apiang kha Pathianin a tuipui ve ṭhin. I tuizawngte a hnena i thlen a duh chhan pathum a awm.

*Pathianin a hmangaih che.* Pathianin a hmangaih duh vang che a lo awm i ni. I dam chhan a ni! Mi i hmangaih chuan an tuizawng i tuipui ṭhin. Ka nupuiin a tuizawng anih avanga ka tuipui ve tak hi thil tam tak a awm - ka nupui ka hmangaih vang a ni. Chutiang chiah chu Pathian awmdan a ni, mahse vawi tam taka nasa zawkin.

*Chung tuina te chu Pathianin a pek che a ni.* I thil tih duhzawng leh infiamna ngainatzawng te leh thil dang zawng zawng chu i hria tiraw? Chung zawng zawng chu i Siamtu hnen aṭanga i dawn a ni. Chung hmang chuan a thuam che a ni, a awmzia chu nang ai mahin a lo tuipui zawk che tihna a ni. A hmangaih che a, i ngainatzawng thil i tih laite khan hmuh che nuam a ti em em a ni.

*Pathian chuan a fate nena inbiak nuam a ti.* Pathian chu i Pa a ni. Nu leh pate chuan an fate tuizawng an tuipui ṭhin. I ṭawngṭai laiin ninawm i ti ṭhin em? Chutiang i nih chuan i tuizawng thil ni lovin thlen ve ṭha ni a i hriat thilte Pathian hnenah i thlen ve satliah tihna a ni. Pathian chu Pa ṭha tak a ni a, i tuizawng apiang a tuipui ṭhin che.

Bible chuan heti hian a ti, _"Amah ṭihtute chunga pain zahngaihna leh khawngaihna a lantir ṭhin ang hi Pathian chu a ni"_ (Sam 103:3, NLT)

Fa nei tawh i nih chuan, i fate kha i hmangaih hun atan an ṭawng theih hun i nghak em? Nghak miah lovang. An pian chhuah hma emaw thumal pakhat pawh an sawi thiam hma emaw khan i hmangaih daih tawh. Ṭawngṭai Pathian i be ṭhin emaw, be lo emaw pawh ni la thûk takin a hmangaih che, fate an lo pian chhuah hma aṭanga nu leh paten an hmangaih tawh ang hian.

Mahse fate an lo ṭhan lan zel hian nu leh paten an fate nena titiho te an duh ṭhin. An ngaihtuah leh duhzawng te hriat a, an lungngaihna leh hlimna te in hnena an thlen in duh ṭhin. An tuizawng te lawmpui a an thlir dan hriat in duh ṭhin.

Chutiang inlaichinna chiah chu Pathianin neih a duh a ni. Amah i bia emaw be lo emaw A hmangaih che a ni. Mahse i lo puitlin a, i tana ṭha tur thilte a hnena i thlen hlan a nghakhlel em em a ni.

Ngaihtuah zui atan.

Engtik hunah nge i ṭawngṭai tam ber? Pathian hi engtik lai pawha biak theih niin i hria em?

Fa i neih chuan i faten engtinnge bia che sela i duh? Chutiang chuan Pathian i bia em?

Eng thilte nge i tuipui ber le? Chung chu engtik khan nge Pathian hnena i thlen hnuhnun ber?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...