_Mi Tidanglam Ta_
By Rick Warren
— July 26, 2024
“Mi thinnel chuan thil a hrethiam ṭhîn a, Mi thinram chuan a âtzia a tilang ṭhîn.” [Thufingte 14:29]
Mi tu emaw i lakah an thinrim a nih chuan lo thinrim khum ve mai a awl chang a awm. I thinrim ve mai hma chuan engnge i thinrim avanga i hloh tur chu chhut hmasa ang che. Thinrim man chu chhut hmasa rawh.
Bible chuan inthununna tel lo thinrimna chungchang chu chiang takin a sawi a. Thufingte 29: 22 ah hetiangin a sawi, “Thinchhia chuan buaina a chawk chhuak a, Thinram chuan pawi a khawih rem rum ṭhîn,” tiin. Thufingte 15: 18 pawhin, “Mi thinramin buaina an chawk chhuak a, Mi thinnelin buaina an tidai ṭhîn,” a ti bawk. Thufingte 14: 29 pawhin, “Mi thinnel chuan thil a hrethiam ṭhîn a, Mi thinram chuan a âtzia a tilang ṭhîn,” tiin a sawi.
I thinrimna zawkin a thunun che a nih chuan, a man a awm thung. Buaina i tawk dawn. Thilsual i ti dawn. Inhnial buaina i tawng dawn. Thil i tisual dawn.
Mahni inthunun thei lova, i thinrim a nih chuan buaina i tawk ngei ngei ang. Tute emaw chuan an zahloh phah sawt che ang a, chhungte hmangaihna, hriselna leh i hna thlengin i chan thei a ni.
I thinrima i chetsual avang chuan mi tute emaw thil ṭha ti turin kawng i kawhhmuh pawh a ni thei ang. Chutiang chuan ti suh! A tirah chuan nuam fu angin a lang thei a. Mahse khuareiah chuan, thinrimna chuan thinrimna tam zawk, hrehawm tihna leh inmihranna nasa zawk a thlen ngei ngei ang.
Chhungkuaa thalai engzat chiah chu nge an inthunun zawh loh avang chuan an nu leh pate nena an inzawmna chhia ang? An insum theih loh avang chuan mi engzatin nge an bialpa, an bialnu, an pasal, an nupui leh an ṭhiante nena inṭhen ang? Thinrimna chuan thil dang zawng zawng aiin inlaichinna a tichhe rang zawk daih a ni.
Thinrimna chu thinrimna bawka i lo dawng sawn avanga buaina awm thei chu i hre chiang a nih chuan miin an tihthinrim dawn che a nih pawhin i insum hram hram ang.
Chuvangin tute emaw i chhanlet hma chuan hei hi inzawt ang che, “Hei hi ka ti duh tak tak em? Thilsual tih chu ka duh em? Thilsual chu nasa zawka tih ka duh em? Inhnialna thlentu nih chu ka duh em? Mawlmang deuha awm ka duh em?” tih chu a ni.
Thufingte 14: 29 chuan hetiang hian a sawi, ““Mi thinnel chuan thil a hrethiam ṭhîn a, Mi thinram chuan a âtzia a tilang ṭhîn,” tiin.
Thinrimna reng reng chuan ken tel a ngei zel. Mi i runluih hmain, a man tur awm ang chu chhut hmasa ang che. Tichuan, i thinrimna kawng dap dan chu ngaihtuah ang che.
Ngaihtuah zui atan.
Mi tute emawin thinrima an beih chang che chuan engtin nge zaidam takin i lo hmachhawn ang?
Thinrimna thunun loh chuan engtin nge mite nena in inlaichinna chu a tihchhiat theih?
Mi ṭhenkhat chu thinrimna leh intihluihna hmanga mite hmachhawn an duh a. Mite hruai dan kawng ṭha ber chu engnge ni ta ang?
Vawiin hian Isua i zui ang em?
Bible chuan hetiang hian a sawi, “Pathianin khawvêl a hmangaih êm êm a; tichuan, a Fapa mal neih chhun a pe a, amah ring tawh phawt chu an boral lohva, chatuan nun an neih zâwk nân.” [Johana 3: 16]
Pathian chuan a thutiam hlen chhuak turin i ring thei ang em? He ṭawngṭaina tawite hmang hian ṭawngṭai rawh: “Lalpa duhtak, Isua Krista chu i Fapa a ni tih ka pawm a. Ka sual a ni tih hi ka pawm bawk, i ngaihdamna ka rawn dil a ni. Isua chu ka sualte min lakbo sak turin a thi a, i kaitho leh a ni tih ka ring bawk. Isua chu min Chhandamtu a ni tih ka pawm a, ka Lal a nih anga zui ka duh bawk vawiin aṭang hian. Ka nun hi hruaiin i duhzawng tih min zirtir ang che. Isua hmingin ka dil a che. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu:* Peka]
No comments:
Post a Comment