Mi Tidanglam Ta
By Rick Warren
— July 25, 2024
“Sual ngaihdam hi ngainat hlawhna a ni, kam tam erawh chu ṭhian ṭhenna a ni.” [Thufingte 17: 9]
Bible chuan finna chungchang hetiang hian a sawi, “khawngaihin a khat a, rah ṭha a chhuah ṭhin,” tiin [Jakoba 3: 17]. Mite chu an lo che buai a, thil an tisual a, an hlawhchham a nih pawhin an chunga khawngaihna lantir chu a la ṭha tho a ni tihna a ni ang.
Khawvel leh van boruak pumpuiah hian Pathian chu a fing berin khawngaihna a ngah ber bawk. I thil neih zawng zawng, i thaw hip thleng khan Pathian thilpek i dawn a ni. Ka phu ang thil hi chu dawng ni ta ila, kan nung tawh lo vang. Mahse chuti chung chung chuan Pathian chuan kan mamawh min pe a, ka phu ang ni lovin. Zahngaihnaa khat a ni.
Chutiang chiah chuan, mifingte chuan midangte hnenah an thil mamawh an pe chhuak ṭhin, an phu ang ni lovin. Mifing chuan mite dik lohna an hmu lian lova, mifing chu khawngaihna an ngah thin. Mite chak lohna chu an thlir kan sak a- a chhan chu Pathianin a chak lohna lai chu a ngaidam fo tih an hriat vang a ni.
Mite i dem a nih chuan i mawl tihna a ni. Zahngaihna i lantir a nih chuan Pathian nihna i tarlang tihna a ni.
Thufingte 17: 9 ah chuan hetiang hian kan hmu “Sual ngaihdam hi ngainat hlawhna a ni, kam tam erawh chu ṭhian ṭhenna a ni,” tiin.
A entirna pawimawh tak pakhat chu Mike-a nunah kan hmu, Saddleback kohhranah hun rei tak lo thawk ve tawh a ni. A nupui Sally-i nena an inneih kum 50na an hman ṭum chuan kei pawh ka va tel ve hial a. Hun kan hmang zova, kan haw dawn chuan Sally-i chu ka be thuak a, anmahni kan lawmpui pah chuan “Kum 50 chhung inneih hlawhtlinna thuruk chu eng nge ni?” tiin ka zawt ta a. Min en thuak pah chuan, “Pastor, ka pasal hi thlak ka tum ngai lo,” a ti ta daih a.
A liam hnu chuan Mike-a bulah chuan va kal ve lehin, “Mike, kum 50 inneih hlawhtlinna thuruk chu engnge” kan ti ve leh a. Ani pawh chuan, “Thlak danglam ka tum ngai lo,” a lo ti ve tawp a.
Kum 50 an lo inneih chhung khan Sally-i leh Mike-a te chuan thinrim chang leh tihsual chang vawi tam tak an lo hmu tawh. Mahse, a taka indem kual mai lovin, Thufingte 17: 9 chu an tihsual ve ve chu an inhaidersak a ni. Vawi tam tak an inngaidam tawn mawlh mawlh tihna a ni.
Vawiin, naktuk leh a tuk lehah chuan mite tan zahngaihna chu lantir zel ang che. Fing taka nun hmang leh lainatna neia nun chu nakin zelah a hlawkna i la hmu ang.
Ngaihtuah zui atan
Engtik laiin nge mite chuan i phu ang ni lovin zahngaihna zawk an chantir che? Chu chuan i nunah engnge nghawng a neih?
Pathian zahngaihna chu i nunah chuan engtin nge i hmuh theih?
Mite nena in inlaichinnaah chuan engtiangin nge zahngaihna lantir lova mite i sawichhiat? Vawiin hian chu mi chungah chuan zahngaihna i lantir theih ang?
*Khawiang nge i chatuan hun i hman dawn?*
Pathian inrem takin in nung em?
I sualna chuan Pathian lak atangin a la hrang che a. Pathian chauhin amah nena inlaichinna dik nei turin a siamrem leh thei ang che.
Bible chuan, “Rinna avânga khawngaihnaa chhandam in ni, chu chu in thawh chhuah a ni lo, Pathian thilpêk a ni.” [Ephesi 2: 8-9]
Nangmah Siamtu che nena inrem taka khawsak i duh chuan hetiang hian ṭawngṭai ang che:
“Isu duhtak, ka sual avanga nangmah hlata awm chu ka duh tawh lo. I thutiamah chuan Isua ka ring a nih chuan, ka thil lo tihsual tawh zawng zawng min ngaidam dawn tih min hrilh a, ka dam chhan chu min hmuhtîr dawn tih min hrilh bawk, tichuan i chhungte zingah chuan min la lawmin eng tik niah emaw chuan chatuan nun nei turin vanramah min la hruai danw tih ka hria.
Ka sual a ni tih hi ka pawm bawk, i ngaihdamna ka rawn dil a ni. Isua chu ka sualte min lakbo sak turin a thi a, i kaitho leh a ni tih ka ring bawk. Isua chu min Chhandamtu a ni tih ka pawm a, ka Lal a nih anga zui ka duh bawk vawiin aṭang hian.
Ka nun hi min siam ang taka hman ka duh a. Min hruaiin i duhzawng tih min zirtir ang che. Isua hmingin ka dil a che. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[Lettu: Peka]
No comments:
Post a Comment