_I Mamawh Tawpkhawk Pathianin A Pek Dan Che_
By Rick Warren
— July 05, 2024
“Chutichuan, in sualte thupha chawi tawn ula, inṭawngṭaisak rawh u; tichuan, tihdamin in awm dâwn nia.” [Jakoba 5:16]
Mitinin kan natnate chu kawng hrang hrangin kan lo dawngsawng thin. Ṭhenkhat chu an thinrim em em reng a. Ṭhenkhatte chu zu leh ruihhlo hmangin an inenkawl a. Ṭhenkhat thung chuan an bialnu/bialpa emaw an nupui/pasal an thlak sek thung.
Chung natna hmachhawn dana tih dan ṭha lo ber ni hial thei chu lo ngawih bo hmak chu a ni. Soda bottle [Coca-Cola bur] thin vak a, chhin leh ang vel a ni. Engtik niah emaw chuan a la puak tho tho dawn!
A ruka i natnate chu Pathian hmaah inbunruak a, tlang taka i sawi chhuah hma chuan i dam ngai lo vang.
A ruka i natna chu i inkharkhippui chhung chuan nangmah pawh a eiral zel ang che. Bible chuan hetiang hian a sawi, “Ka ngawih reng lai khan, nilenga ka rum ṭhinna lamah ka ruhte hi a chang zo vek a ni.” [Sam 32: 3]
Hun khal tawhah chuan i rilru chakna [emotional strength] chu i lo hmang fe tawh a nih chuan vawiin chuan a bang nawi tlem bak i nei tawh lo vang. Thinrimna leh inchhirnaa i hun tam tak i khawhral tawh a nih chuan – engtin nge midang natna neitute chu i lo ṭanpui theih tehlul ang – tun leh nakin hun atan i chakna chu i lo hmang zo tawh tihna a ni ang.
Pathian chuan i natna atan damna a nei e: mahni inpawm a ni. Na i nei a ni tih chu i inpawm mai a tha ber. Thil dang zawng zawng i natna theihnghilh i tumna te chu mahni leh mahni intihdam tumna awmze nei lo an ni. Na i nei a ni tih chu heng mite hnenah hian i puan mai a ṭha ang:
Pathian
Nangmah leh nangmah
I mi rintlak hnenah
Mi tam tak chuan Pathian hnena an natna thu an thlen hi an duh tawk viau zel a, a pathumna khi an kalkan fo. Ka duhsak viau na che a, awmzia a nei ngai lo vang.
Natna i neih thu midang hnena thlen hi thil ṭul tawp a ni. Nangmah mai chuan i dam dawn lo. Jakoba 5: 16 ah chuan hetiang hian kan hmu “Chutichuan, in sualte thupha chawi tawn ula, inṭawngṭaisak rawh u; tichuan, tihdamin in awm dâwn nia,” tiin [Jakoba 5:16].
Jakoba thurawn a lehkhathawn 5: 16 a mi zawm tur hian pastor, puithiam emaw therapist emaw i mamawh lo. I mamawh chu ṭhian a ni mai.
Hun kal tawha i natna chu chu mi hnenah chuan sawi rawh. I natna lai chu sawi la. Chu mi hmaah, Pathian hmaah leh nangmah leh nangmah hmaah chuan inbunruak la, hmana chakna i lo neih ṭhin i hloh tak chu i nei let leh thei ang.
A chhan berah chuan thil tarlan chu damna bul a ni.
Ngaihtuah zui atan.
I huna kal tawha i buaina thlah liam mai theih loh i nei em?
Eng vangin nge Pathian nen pawh chuan hun kal tawha i natna phawrh chhuah leh chu a la hlauhawm fo? Eng vangin nge nangmah leh nangmah hmaah pawh i natna phawrh leh chu a harsat? Eng vangin nge midang hmaah i natna phawrh chu a huphurhawm em em?
Tu nen nge hun kal tawha i natna chu tu hnenah nge i phawrh theih ang?
[ *Lettu* : Peka]
No comments:
Post a Comment