Thursday, July 4, 2024

A ENGA ZAWNGA THLIRNA - BEISEINA AṬANGA A DANGLAMNA

_I Mamawh Tawpkhawk Pathianin A Pek Dan Che_ 

By Rick Warren
— July 04, 2024
“Pathian hmangaihtu, amaha ruat anga a kohvate tan chuan an ṭhatna turin engkimin a thawhsak hlawm ṭhin tih kan hria.” [Rom 8:28]

Hringnun hian thil hrehawm tak, pai daih mai harsa – natna, hna chan, ṭhian emaw chhungte emaw thihnate a thlentir fo mai. Heng damdawite hi lem an harsa hle a, kan hak dawn dawn ṭhin. 

Mahse hahdam taka i pawm theih tur chu hei hi a ni – Pathian chuan thil ṭha tihsak che a tum a, i la hmu mai lo a nih pawhin. I nuna thil thleng apiangah khan Pathian chu hna tha thawk turin a che vel reng a ni. Hun harsa a lo thlen huna chawi kang tur che a ni a, thutak chu i vawn tlat a ngai thung ang. 

Bible chuan hetiang hian a sawi: “Pathian hmangaihtu, amaha ruat anga a kohvate tan chuan an ṭhatna turin engkimin a thawhsak hlawm ṭhin tih kan hria.” [Rom 8:28]

Bible chuan i nuna thil thleng zawng zawngte chu an ṭha ang tih a sawi lo. Nang leh kei ngei pawhin chu chu a dik satliah lo tih kan hria ang. Mahse i nun pumpui chu a hmaah i pharh a nih chuan, thil engkim ṭhatna turin a inherrem thei tih i hria ang. Chhang siam ang deuh a ni. A bawlhlo mal te te te chu i ngaina miah lo thei a, an zavaia i pawlh chiah erawh chuan hnar harsa khawpa tui a ni thei si. I nun hmang khan Pathian chuan chhang tui tak siam a tum a, chu mi siam tur chuan a bawlhhlo kha leh tui lo te pawh chu a hmang vek tho. 

Pathian chuan engkim chu i duh dan anga hlen chhuah a ni ang tih emaw i thiltawnte chu a hlimawm zawngin a inzialmum vek ang tih a sawi lo. Thil dik tak chu hei hi a ni – sumdawnna thua thutlukna zawng zawng te chuan pa hausa tawntaw [milionare] a nihtir kher lo vang che. Innei zawng zawngte chu hlim takin tar kun hun thleng an in dampui vek lo vang. Naupang zawng zawng chu an infiamnaa a hotu [captain] an ni vek kher lo bawk ang. 

Mahse, he Bible chang hian Engkim Siamtu kutah chuan engkim a him tluantling a ni tih erawh chu chiang takin kan hre thei ang, “Pathian hmangaihtu, amaha ruat anga a kohvate tan chuan an ṭhatna turin engkimin a thawhsak hlawm ṭhin tih kan hria.”

Beiseina chu a eng zawnga thlirna satliah nen an inang lo. Thil ṭha lo chu a la inher ṭha leh dawn tih a ni mai lo. I nun peng tin mai khan anmahni mai pawhin awmze tluantling an nei vek a, eng ang pawhin lo inher kual vel mahsela. 

Nangma thlirna aṭang chuan a chang chuan nun hi buaina mai a ni thei. Mahse Pathianin van aṭanga a lo thlir dan chu a dang daih. 

Pathianin i tana thil tha a ruatsak che chu i ngaihtuah thiam phak bak a ni. Pathian thutiam chuan, “Nangni lama ka rilru putzia chu ka inhre si a, in hun hnuhnûng tâwpah chuan beiseina pe tûr che uin, thil ṭha lo ni lovin, ṭhatna ka ngaihtuah asin.” [Jeremiah 29:11]

I hmalam hun chu Pathian kutah a awm e – chu aia hmun tha khawsakna tur chu a awm lo. 
Ngaihtuah zui atan

Pathianin thiltawn ṭha lo thil ṭha lam hawi emaw midang tana ṭha tura a a her danglam dan chu engtin nge i lo hmuh ve tawh? 

Engtin nge Isua kraws-a a thihna chu Pathian thil ṭha lo thil ṭhaa a herrem dan tarlangtu entirna ṭha tak a nih? 

I nun chu chhang angin han ngaihtuah teh. A eng bawlhlo nge kha tlat? Pathian chu thil ṭha thawk turin amaha rinna nghah dan ngaihtuah zir rawh – chhang tui tak chu – bawlhhlo kha leh tui lo tak aṭanga siam chu. 

[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...