- Rick Warren
- July 07, 2024
_"I thil ngaihtuah dan thlak danglamin Pathianin mi tharah siam che rawh se."_ (Rom 12:2, NLT)
Mihringte hian thil hi kan lo theihnghilh tak tak ngai miah lo. I rilru khawi hmun laiah emaw i vawng ṭha khiau a, in inneih champhaphak te, pawl sawm zirlai i nih laia in inkhelhnaa i pet goal zat te, i fapa ha a thlawn hmasak ber ni te kha i lo vawng ṭha khiau ṭhin.
Chung hun te chu i ngaihtuah chhuak leh kher lo mai thei, mahse i rilru hmun khatah erawh a cham reng si.
Chanchin lawmawm deuh chu i thluak khan engkim a lo vawng ṭha vek hi a ni a. Chutih ruala chanchin lawmawm miah lo chu i thluakin engkim a lo vawng ṭha vek tho kha a ni. I thluak khan engte nge suangtuahna mai mai ni a, engte nge a tak, engnge thudik ni a engnge dawt tih te hi a thliar hrang thei miah lo.
I thluakah khan bawlhhlawh tinreng i chhekkhawl a. Chûng bawlhhlawhte chu thutlukna siam nana i innghahna an ni fo bawk!
I naupan laiin puitlingin an sawi apiang i awih nghal mai ṭhin, a chhan chu puitling tawh leh thuneihna nei hmel an pu tlat a ni. Entir nan:
Midang thawhpui i thiam lo.
Chhiarkawp i thiam ngai lovang.
I rihna kha i sual tawk a ni reng ang.
Tuma'n an duh tak tak lo che.
Mi zakzum tak i ni.
Thilpek tur i nei ve tak tak lo.
I unaupa ang khan i ṭha ve tak tak ngai lovang.
Min tihrilhhai tak zet a ni!
Heng zawng zawng hi dawt vek an lo ni tawh a, tunah pawh dawt tho an ni. Mahse i lo awih ṭhin si!
I rilrua thu inchham nawn ut ut kha i thlak danglam a ngai. Dawt thu hlir inchham nawn reng lova Pathian thutak i chham a ṭul zawk a ni. I thinlungah Pathian thutak i khawl a ngai a ni.
Rom 12:2-ah chuan heti hian kan hmu, _"I thil ngaihtuah dan thlak danglamin Pathianin mi tharah siam che rawh se"_ (NLT). Engtinnge i ngaihtuah dan i thlak danglam ang? Thutak thu i thinlungah chham rawh. Engtinnge chutiang tur chuan i tih ang?
*I thil hriat rengna tidam turin Pathian hnenah dil rawh.* Pathian hnenah, "He ka rilrua cham reng min hliamtute, hnawl ka nihna te, sual te, huatna te, inthiam lohna te leh tihbawrhban ka nihna te hi Lalpa min tihdamsak a ngai a ni. A na em mai. Lalpa khawngaihin min tidam rawh" tiin dil rawh.
*I rilru Pathian thuin tikhat rawh.* i rilruah thudik i seng luh tam poh leh dawt thute kha nek chhuah an ni zel ang. Thil thlak thlengna dan a ni. I hun pum tv en nan leh rimawi ngaihthlak nan maia hmang lovin i rilru kha Pathian thuin chhung khat zawk rawh.
Rilru lam zir mite chuan i nuna mi pawimawh bertin a rilrua a suangtuah dan tur che ni a i rin dan khan mahni i indah hlut thiam dan a hril an ti ṭhin.
I nunah Isua dah pawimawh berah nei la, chu chuan engkim a tidanglam ang. Pathian thu chuan hmangaih theih i ni a ti (Johana 3:16), theihna i nei a ti (2 Petera 1:3), i hlu a ni a ti (Luka 12:6), ngaihdam theih i ni a ti (Sam 103:12), hman theih i ni a ti bawk (Ephesi 4:12).
Chu chu i nu hruaitu rimawi ropui ber nise, tihdanglamin i awm ang.
Ngaihtuah zui atan.
I hun kal tawhah khan eng "rimawi" nge i rilruah tihrik nawn tluk rluk i tum ṭhin?
Pathian thuin thudik lo i sawi nawn fo chungchangah khan engnge a sawi?
Tunkar chhung hian Pathian thu aṭanga thutak pakhat engnge i rirua vawn reng atan i duh? Ziah la, awlsam taka i hmuh reng theihna tur hmunah dah rawh.
[Lettu: Mapuia Fanai]
No comments:
Post a Comment