I Mamawh Tawpkhawk Pathianin a Pek Dân Che
Rick Warren
July 8, 2024
“Nang chuan i thinlung i dah dika, A lama kut i phar chuan; Tichuan, hmêlhem lovin i dâk chhuak ngei ang; A ni, i nghet ang a, i hlau lo vang; I hrehawm i theihnghilh ang a, Tui luang bo tawh angin i hre reng lo vang,”
JOBA 11:13, 15-16
"Hun liam tawh thil hre reng thei lo mi chuan a ti nawn leh thin" an tih fo hi i hre tawh ngai em? A dik viau a ni - mahse a eng emaw laiah chauh a ni thung. Hun liam tawh thlir let hian thil tam tak i zir thei ngei mai a, mahse natna thlen ngat ngat tu che, i nuna natna man to tak tak i lo neih tawh te kha hnunglam hawi let hian a tidam thei hauh lo. Chung milian te chu hneh tur chuan, hmalam zawk i en a ngai a ni.
Lirhthei kan khalha a hnunglam enna darthlalang a en ang hian hnunglam hawi let hian intihdam kan tum fo thin. Chutianga kan tih chuan intihdam aiin kan chetsual phah zawk mah thin.
Joba 11-ah chuan, a ṭhiante khan a nun a hriatreng tur natna hun liamta a mite chu theihnghilhin a nun hmalam pan turin an hrilh a. "“Nang chuan i thinlung i dah dika, A lama kut i phar chuan; Tichuan, hmêlhem lovin i dâk chhuak ngei ang; A ni, i nghet ang a, i hlau lo vang; I hrehawm i theihnghilh ang a, Tui luang bo tawh angin i hre reng lo vang,”
(JOBA 11:13, 15-16) an ti a ni.
*Pakhatna, i thinlung dah dik la.* midangin an tih chu eng apawh nise. Tina tu che ngaihdam mai hi a dik a ni.
*Pahnihna, Pathian lamah i kut phar la.* I thinlung pindan tinah khan Isua chu cheng ve turin sawm la. Kan pindan hmalamah hi chuan kan sawm ve mai a, Isua chhandamtua kan pawm hian. Mahse kan khum pindanah te, choka lamah te erawh kan sawm lo fo si thin.
*Pathumna, khawvel i hmachhawn leh thei ang.* Nat leh hlauh avang hian biru bo mai suh. Hma lam pan la. Nun leh zir ang che.
I nunhlui chu i hmalam a ni lova. I tih tawh chu engmah awmzia a nei tawh lova, tu nen nge i tih a, engtja rei nge i tih pawn. Pathian thu pumpuiah hian Pathian chuan tualthat te, uire te, mi thatchhia te ngaidamin, khawvelah a hna thawk turin a hmang tih kan hmu a ni.
Nang pawh, hmalam êng tak i nei a. I thinlung dah dik la, Pathian hnaih la, khawvel chu hmachhawn leh ang che.
Tichuan Pathian chuan nangmah kaltlangin thil ropui takte a ti dawn a ni.
Ngaihtuah zui atan...
Natna hneh kan tum lai hian engatinge hnung lam hawi a awl em em?
I thinlung dah dik tur khan midang ngaihdam ngai i nei em?
I damna tura Pathian i hnaih khan, i thinlung pindan eng berah nge Isua chu i sawm ala ngaih?
(Lettu : Msa)
No comments:
Post a Comment