Monday, July 29, 2024

BUAINA CHU CHINGFEL LA, INDEM TAWN MAI LOVIN

_Min Tidanglam Ta_

Rick Warren
July 29, 2024
“Tûnah erawh chuan nangni pawhin hêng zawng zawng - tauhna te, thinurna te, huatna te, sawichhiatna te, in kâa chhuak ṭawng zahmawh te hi tibo rawh u.”
‭‭Kolossa ‭3‬:‭8‬ ‭

I thinlungah hian chakna eng emaw chin i nei a. Thubuai chinfel i tum te hian chu i chakna chu mi dangte demna atan emaw buaina chinfelna atan i hmang thei a. Chumi pahnih ti tur erawh chuan i thei lo a ni. Chumi avang chuan - a eng nge pawimawh zawk tih i inzawh a tul a, mi dang dem nge buaina lai chinfel zawk chu.

Demna ni lovin buaina chinfel thlang zawk thin ang che.

Harsatna chinfel i tum hian, a hma daih atangin dik taka ti turin i rilru siam la. In nupa kar emaw in chhungkuaah pawh ni se, i hman ngai loh tur tawngkam- tawngkam chhe tak tak thliar fel ang che.

Cold War an tih hunlai khan, Soviet Union ram khan America kah theihna tur missiles sang tam tak an nei a. Chutiang bawkin America ram pawhin missiles tam takin an tin ve reng bawk a ni.

Amaherawhchu, chutianga lu bîng mup mupna khawp a awm lai pawhin, lehlam lehlam chuan chung ralthuamte chu hmang mai lo tur khawpin chhia leh tha hriatna an la nei hlauh a. MAD strategy tiin an ralkhel dan hming chu an phuah a, lehlam zawk zawkin lo kap hmasa ta se, a lehlam chu an chhe ve hle ngei ngei tur a ni an ti tawp mai a ni. A nihna takah chuan chung ramte chuan, "I hmanrua i hman vaih chuan kan ta kan hmang ve anga. Kan intichhe tawn anga. Ram tih tur a lawi a awm lo hial ang" an ti a ni.  Chuvang chuan kan inmil lo a nih pawhin chung ralthuamte chu hman loh kan tum tlat tur a ni.

Chhiat rup theihna ralthuam hi inlaichinnah pawh a awm thin. Chutiang i hman chuan, indemna chu i chingfel a ni mai thei. Buaina bul erawh chu i chingfel ngai lovang. Inneihnaah chuan, entirna atan, chutiang ralthuam chu inṭhena invau te, chhungte sawi lan te a ni thei. Chungte chu min ti chhe ngei ngei tur thilte an ni a, rinna tichhiain inkungkaihna a a tichhe thin.

Eng anga thinrim pawh ni la, chutiang hmang hauh lo tur chuan thutlukna i siam a ngai a ni.

Bible hian tel ve lo tur thilah hian a sawi chiang hle a. Kolossa 3:8 ah chuan, “Tûnah erawh chuan nangni pawhin hêng zawng zawng - tauhna te, thinurna te, huatna te, sawichhiatna te, in kâa chhuak ṭawng zahmawh te hi tibo rawh u" a ti.

Chhiatna nasa tak thlen thei chung hmanruate chu khingte khi a ni. Indem tawnna lakah chuan thiam min chantir thei. Chutianga indemna chinfel i tum chuan, mi dangte i teh tihna a ni ber a. Pathian chauh hian min teh turin thuneihna a nei a ni.

Chu ai chuan, chungte chu dah bo la. I theihna chu a tha lamin hmang la. Buaina chu siam tha ang che.

Ngaihtuah zui atan...

In inlaichinnaah chhiatna thlen thei ralthuam awm kan tih ang chu engte nge awm?

A tak taka hman turin indemna aiah buaina lai tak chingfel tur khan engtin nge hma i lak ang?

Dik taka buaina chingfel tur hian engvangin nge dai kai loh tur chin ramri kan duan fel a tul thin?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...