Monday, June 24, 2024

RAWNGBAWL SAK TU CHE MIDANG ENGTIN NGE I TIH THIN*

_Hun Rei Daih Thil Ngaihlu Tura Nun Buatsaih_

Rick Warren
June 24, 2024
"I chunga an tiha i duh tur ang bawkin mi chungah pawh tive rawh" Luka 6:31

I mizia fiahna pui ber pakhat chu i rawngbawl sak tu che i enkawl danah a ni. Thingpui dawra tirhkah emaw, i hlawhfa emaw, i secretary bik emaw, office a i hnuaia thawk emaw, i fate leh i nupui/pasal thleng pawhin i rawngbawl tu i enkawl dan hian tunge i nih a tilang a ni.

A nihna takah chuan, kohhran a thawk tur kan laknaah ka tel ve hian, vawi tam tak chu thingpui dawra thawk tute engtin nge an tih thin hre turin ka chawlh pui hmasa thin a. Mi thenkhat, dawra thawk te laka thinchhe deuh leh thunei deuh awma tirhkual chingte chu ka thawhpui atan ka duh thin lo a ni.

Isua chuan, "I chunga an tiha i duh tur ang bawkin mi chungah pawh tive rawh" (Lk 6:31) a ti a. Chu thil chu Bible a thil ziakah chuan ho hmel tak, mahse pawimawh ber mai a ni hial awm e.

Khawtlang nun zirmi Eric Hoffer chuan tum khat chu, "Midang laka sual chhuah hi mi chak ni awm taka lan tumna mai mai a ni" tiin a sawi a. Midang laka sual tur hian finna hranpa a ngai lem lo.

He mize tha pawimawh tak mai zirna hmun tha ber chu mahni inchhungah a ni. Inneihna tichhe tu tam ber chu kawppuite laka sualna vang a ni. Nupa counselling ka pek thin hian, thil ho te te vanga inneihna tihchhiat a tam zia ka hrechhuak thin.

A chang chuan kan mi ngaihhlut berte lakah hian mi zahawm loh berah kan chhuah chang a awm thin tih hi i hrethiam ve tawh em? Kan inchhungkhur hi ngaihdamna leh khawngaihna kan lantirna hmun, kan thinlung sukthlek ang anga kan lan theihna hmun tur hmun zalen a ni a, mahse hun tam berah chuan dawhtheihnain hmun a chan lohna hmunah kan ngai fo thin. Mi tam tak, midangte lakah an tih miah loh tur an chhungkaw chunga ti duh tlat an awm fo. Kan chhungkua ngeiah hian, inhriatthiam kan zir a, phut ngah loh kan zir a, midang ngaihdam leh midangte fellohna chhui sak loh kan zir a tul a ni.

Hawihawhmna hi thil ho te teah hmangaihna lan tir hi a ni mai a. Khawngaihna lanhhuah tir a ni a, a chhan chu a ruka natna hi khawi hmunah pawh a awm theih vang a ni. Midangte lakah ngilneihna hmangin, thil ho te teah pawh kan zahderna kan lantir hi a ni ber mai.

Ngaihtuah zui atan...

Midang kan ngaihhlutte lakah hian engah nge zahawm lo anga kan lan ber fo le?

Midangte zah chung leh khawngaihna nena dawr tur kan nih hi engah nge inhrilh nawn fo kan ngaih le?

I rawngbawl sak tu che u i enkawl dan hian teh i nih si chuan, engtin nge i tih tak ang le?

(Lettu : Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...