Monday, June 10, 2024

PATHIAN RIN LOHNA CHUAN HAHNA A THLEN THIN

Hun Rei Daih Thil Ngaihlu Tura Nun Buatsaih

Rick Warren
10 June, 2024
“Ṭhenkhatin tawlailîrte an ring a, ṭhenkhatin sakawrte an ring. Keini erawh chuan Lalpa kan Pathian hming chu kan lam zâwk ang.”
‭‭SAM‬ ‭20‬:‭7‬ ‭

Mitin hian innghahna kan nei theuh a. Zawhna awm ta chu - engah nge, emaw tu-ah nge i rinna chu i nghah tih hi a ni?

Kan khawtlang kalphung hian thil rinna neih hi a ei vak lo thin a, a nih loh pawhin tiang zawnga sawi chu kan ching thin a. Thil engkim emaw, mitin mai hi kan ringhlel vek mai a. Sawrkar emaw chanchinbu mite pawh kan ring zo lova. Mi chhawrtute lahin an chhawrte an ring ngam lova. Sumdawngte pawh an dawrtuten an ringzo lo fo a ni e. Khawchin tarlan leh sawilawk pawh kan awih lova. Vawiin a rinna kan tlakchham zia hi a mawng tawp thlenga i ngaihtuah chuan, kan khawtlanga 'thutak tlukchhiat mekna' hian pawimawhna thuk tak a nei tih i hre thei ang.

Thutak leh rinna hi a kal tlang a. Thutak hrilh tu che chu i ring a. Thutak hrilh lo che a i ngaih chu tumah i ring ngam lo. Thutak famkim hi a awm i rin loh phei chuan, tumah hi thutak sawi turin i ring ngam thei lovang.

Rinna kan tlakchhamna hian kan nun minti hah nasa hle mai. Ring tura piang kan ni a. Keimahni aia chungnung zawk thil eng emaw a rinna nghat tur hian Pathian hian min duang a, a chhan chu amah nen inkungkaihna neih a duh a ni.

Pathian i rin loh chuan, i rin tur thil dang i dap chawp a ngai a. Banga certificate tar tur emaw, bank a pawisa dah tur emaw, i kawppui emaw, i hnathawh emaw, i tuipui thil eng emaw pawh a ni thei e. Bible ziaktute khan an khawtlang nunah khan he thil hi an hmu chiang em em a. Bible chuan Sam 20:7 ah chuan, “Ṭhenkhatin tawlailîrte an ring a, ṭhenkhatin sakawrte an ring. Keini erawh chuan Lalpa kan Pathian hming chu kan lam zâwk ang" a ti a ni.

Pathian nilo thil dang reng renga kan rinna kan nghahna tur aiah hian Pathian thu hian eng emaw sawi a nei zel a. Chu chu Bible chuan "milem biakna" a ti a ni. Kan thatna turin Pathian thu chuan, milem biakna lak ata kan fihlim tur a ni a ti a: “Chuvângin, fîmkhur hle rawh u; milem insiam chawpin, ...in intichhe dah rual ang e” DEUTERONOMY‬ ‭4‬:‭15‬-‭16

Chutichuan, engtin nge thutak chu i hriat theih ang? Pathian thu chhiarin leh ngaihtuahin. Thutak i hriat na tur chu Isua Krista i hriat hian a ni. Chutianga i tih chuan, rin ngam tur tha ber leh him ber, nun innghah ngamna i lo chhar dawn a ni.

Ngaihtuah zui atan...

Pathian aia han rin mai i chak thil engte nge awm thin?

Engtin nge Pathian rin lohna hian i nun a tihhah thin che?

I nuna i hahnate han en teh. Pathian i rinna chu engtin nge a tihlan? Engtin nge i thlak danglam theih ang?

(*Lettu* : Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...