Sunday, June 2, 2024

I TAWNHRIATTE ZIR CHIAN DAN KAWNG HNIH

_Thil Tidanglam Tura Hrual_

- Rick Warren 
- June 02, 2024
_"In rinna kha a tak a ni em fiah rawh u. Mahni infiah rawh u. In zingah Isua a awm ngei a ni tih in hria ang; chutiang anih loh chuan, rinna fiahna in paltlang lo a ni ang."_ (2 Kor. 13:5, NLT)

Kan thil tawn kan zir chian loh chuan hlutna an nei lo ṭhin.

Mi, kum 50 laia upa, mahse kum 50 tawnhriat nei lo an awm. Kum khat zelin vawi 50 an nung mai chauh a ni. An thil tawnte zir an zir chian ṭhin loh avangin an tihsual ngai bawk an tisual leh ṭhin. "Kum kal ta kha engvang nge ni le, nun ṭha zawk ka hman theih nan engtinnge thil ka tihdanglam ang le?" tiin an inzawt ngai lo.

2 Kor. 13:5-ah chuan heti hian kan hmu, _"In rinna kha a tak a ni em fiah rawh u. Mahni infiah rawh u. In zingah Isua a awm ngei a ni tih in hria ang; chutiang anih loh chuan, rinna fiahna in paltlang lo a ni ang."_ (NLT)

Chu chu engnge a awmzia? A awmzia chu i thil tawn te zir chiangin hun hmang la, thil pahnih en ngun rawh:

*A hlawkna thlir rawh.* I nunah engnge i hlimpui tak tak le? "Kha hna kha ka hlimpui tak tak a ni" ti satliah suh. "Kha hna ka ngainat em em kha engnge a nih chiah le?" tiin zawt rawh. "Kha hun kha nuam ka ti tak zet a ni" ti mai lo la. "Kha hun kha engvangin nge ka duh em em? Engvangin nge min tihhlim em em?" tiin zawt rawh. Khawi lam nge i pan zel ang tih kawhhmuhna chhete i chhar mai ang.

*Tihdan phung zawng rawh.* I hlawhchhamnaah khan i kalphung zir i duh ang. I hlawhchhamin i tihdan ngai ang tho a tih i tum fo ṭhin. Chuvang chuan, "Hun kal taah khan khawiah nge ka hlawhchham le? Eng tihdan phung nge ka tih nawn fo?" tiin zawt rawh. Mahni inhnehna tur ni lovin kawng dang i zawn avang zawka en let i ni. Hun kal tawha an tih sual ngai pawimawh lotute chuan an tisual nawn fo ṭhin. Hei chiah hi Israel fate buaina kha a ni. Ramtiam lam pana an zinkawng kha kum 40 ni lovin chawlhkar rei lotê tur chauh a ni. Mahse Pathianin a fiahna aṭanga zir an tum lo a. Fiahna an paltlang zawh loh khan zinkawng a thui belh zel a ni.

Joba 32:7-ah chuan heti hian kan hmu, _"I dam rei poh leh i lo fing zual ang"_ (MSG) tiin. He chang hi thutiam ni lovin thil thleng thei a ni. Kum upa tawh mahse laktlak loh tak tak ka hre nual. Kum a lo tam rual hian finna hi a keng tel ve mai lo. Nitin nuna i thil tawnte aṭanga thil i zir chhuah a, chutah chuan Bible-a finna kan zirte i hman zel chuan puitlinna kawng i zawh a ni.

Ngaihtuah zui atan.

Nikuma i thil tawnte aṭangin engnge i zir theih le?

I nun kal taah te, engtinnge hlawhchhamna hian thlarau, rilru leh ngaihtuahnaah puitling tura a puih che?

What evidence of maturity and wisdom do you see in your life?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...