_Thil Tidanglam Tura Hrual_
- Rick Warren
- June 03, 2024
“Chuvângin, infuih tawnin, intisâwt tawn ṭheuh rawh u, in tih rêng ṭhin ang hian.”
1 Thessalonika 5:11
Bible chuan 1 Thessalonika 5:11 ah chuan, “Chuvângin, infuih tawnin, intisâwt tawn ṭheuh rawh u, in tih rêng ṭhin ang hian" a ti. Pathian hian i tawn hriatte hi mi dangte chher nan, fuih nan leh tihsawtna atan hman a duh. Engtin nge i tih ang? Kawng thumin hetiang hian i ti thei ang: Mi dangte beiseina i pe thei a, an hlauhna hneh thei turin i pui thei a, tin, mi dangte an tânna sut tlangpui te a ni.
A hmasa berah chuan, *mi dangte beiseina i pe thei.* I tawnhriat tawhte khan mi dangte pawh chutiang paltlang thei tur chuan a pui thei a. I thawnthu hmang chuan mi dangte beiseina i siam thei a ni.
Mi dangte hnenah i tawnhriat i sawi hian, *an hlauhna i hnehpui thei.* Intihhlimna hmuna thil chuan chi, chhuk chho em em a tlan thin ang hi a ni. Chutianga chuang tura i intlar ve chuan, "Hei hi thutlukna dik a ni em aw?" tiin i inngaihtuah maithei a. Tichuan i hmaa ding khan lo hawiletin, "A nuam dawn lutuk, vawi nga ka chuang tawh" rawn ti ta se. Tichuan, "A tha e, ka chesual lovang. Vawi nga a chuang tawh a. A tha dawn e" i ti mai thei. Lo tawng tawh tu mi dangte atanga thil hriat hian min tiphur thei a. Min chophur thin a ni.
Nupa, fa vawi khat neihnate zingah tu te nge zam em em a, inring tawk lo em em a, tawk inti lo em em le? An vaiin. Mi thenkhat lo kal a, "Nausente chu an tap thin alawm. A tha vek. A nihphung alawm" an tih hian a va lawmawm thin em. Mi dangte hian an tawnhriat leh an paltlang dan an sawite hian chutiang tawk ve mekte tan chuan a huphurhawm loh sawt thin a. Beiseina a siam thin.
I nun i hrilh khan mi dangte an nunah daltu an tanna i sut tlangpui thei. Kum 1954-ah khan Roger Bannister kha Mel khat minute 4 chhunga tlan thei hmasa ber a ni a. A theih hma kha chuan, mitin chuan thil theih loh a ni tiin an sawi thin a, chutianga chak chuan an tlan thei ngai lo a ni. Chuti chung chuan, Banistera'n a theih hnuah pawh mi sawm pahnih emaw laiin an tlan thei leh a. A hnuah chuan mipuite chuan a theihzia an hre ta a, an thei dawn tih rinna beiseina a pe ta a ni.
I nunah daltu che bang chhah tak ang mai, mi dangte tana phurna leh chona pe thei an awm maithei a. Mahse i hrilh ve chauh khan chutiang chu an ni dawn a ni. Hei hi mi dangte beiseina leh huaisenna i pek theih dan a ni.
Ngaituah zui atan...
Mi dangte nunin beiseina a pek che a, i hlauhna i hneh phah emaw hmasawn tura i tanna i sut tlang theih thil engtikah nge i tawn le?
I nuna i tawn eng thil nge Pathianin mi dangte tana a hman duh ve a i rin?
I tawn tawh thil avanga i puih theih mi tu emaw tunkarah hian engtin nge i pan theih ang?
(Lettu: Msa)
No comments:
Post a Comment