Saturday, May 11, 2024

ZIRLAI TÊ BER PAWH HIAN HLAWHTLINNA LIAN TAK A THLEN THEI

_Rinna Huaisen_

- Rick Warren 
- May 11, 2024
_"Vawiin hian in thiltawn aṭanga Pathian nihna in zirte kha hre reng rawh u."_ (Deut. 11:2, GNT)

Mosia khan Israel fate kha Aigupta aṭangin a hruai chhuak a, thlaler paltlangin Ramtiamah a hruai lut a nih kha. Mipui tam tak pawh nimahsela   Ramtiam thleng turin chawlhkar tam thang a ngai lo. Mahse kum 40 lai an thang.

Engtinnge chutiang em em an thang? Kum 40 chhung kha chu an kal kual mai mai a ni. Pathianin a indawt zelin fiahna chi hrang hrang a pe a, "Min ring dawn em?" tiin a zawt a ni. Fiahna chi 7 an tawng. Chu fiahna chu an paltlang zawh loh rual rualin fiahna dang an vahvaihnaah khan a pe leh nghal ṭhin. Mahse kha thlalerah khan tihpalh thila awm an ni lo.

Mi ṭhenkhat chu tunah khan thlalêr hmunah in awm mek. Hei hi hre reng rawh: Ramtiam thleng tur khan thlalêr hmun paltlang a ngai. Chu nghah a ngaih hun chhung chu i paltlang a ngai a. Chu thlalêr chu i kaltlang ngei ngei a ngai. Chu hmun khawro tak chu i kaltlang ngei a ngai a ni. 

Kha thlalêr hmunah khan chhan neiin i nghak a ni. I nghah hun chhung khan eng zirlaite nge i zir tih i chhihnchhiah thlap a ṭul.

Number 33:2-ah chuan heti hian kan hmu, _"LALPA thupêka an kal chhuah a, an kal zelnate chu Mosian a ziak a."_

Bible hian heti hian a sawi bawk, _"Vawiin hian in thiltawn aṭanga Pathian nihna in zirte kha hre reng rawh u."_ (Deut. 11:2, GNT)

Ringtu nuna hma i sawn dan ziakin i chhinchhiah ṭhin em? Eng emaw tal i ziak em? Pathian i nghah laiin zirna bu ziak ṭan rawh. Zirna bu chu diary ang a ni lo, diary-ah chuan thil thleng kan chhinchhiah ṭhin a, zirna bu (journal)-ah chuan kan thil zir chhuahte kan chhinchhiah ṭhin.

Kan nuna nghah a ngaih lai hun hian zirlai tê tak tê aṭangin hlawhtlinna lian tak kan chhar chhuak ṭhin. I ro viau lai, i rilru hah viau lai leh i beidawn viau laia zirlai tê ber i zirte kha hlawhtlinna lian tak kawngka hawnna chahbi an ni. Zirlai tê bera kan ngaihte hi hlawhtlinna lian tak thlentu an ni. Chuvangin ziaka i chhinchhiah zel a ngai a ni!

Sam 119:33 hi thlalêr hmuna i awm laia chhanchhuak tura Pathian i auh nana ṭawngṭaina ṭha tak a ni: _"Aw LALPA, i thuruat kawng chu mi entir ang che; Tichuan a tawp thlengin ka zawh dawn nia."_

Pathian hnenah heti hian ṭawngṭai rawh, "Lalpa, teikual mai mai ka duh lo. He hmunah hian rei tak ka tan lohna turin nun dan min zirtir rawh. He hmunah hian kum 40 tan ka duh lo. Kal kual kal kual ka duh lo a, kawng dik ka zawh a, thlarau nuna ka ṭhan len theih nan min zirtir rawh."

Ngaihtuah zui atan.

Engvangin nge nghah hi harsa kan tih em em?

I nghah hun chhung khan engnge i zir chhuah le?

Thlalêra i awm laia Pathianin i mamawh a pek dan che kha engvangin nge i hriat reng a pawimawh?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...