Sunday, April 14, 2024

NI THAR HIAN I RAWNGBAWLNA HLEN TURIN REMCHANNA THAR A RAWN KENG

_I Nun Thiltum Puanchhuahna

- Rick Warren 
- April 14, 2024
_"Lalpa hi a thutiamah chuan a muang lo asin; tûma boral a duh lo va, mi zawng zawng sim tûra a duh vâng zâwkin nangmahni tân a dawhthei a ni zâwk e."_ (II Petera 3:9)

Pathian chuan mi famkim lo, mi kehchhia te a hmang ṭhin. Pathianin mi famkim chauh hmang ta se, eng thil mah tih hlawhtlinin a awm ngai lovang, a chhan chu, mi famkim an awm tlat lo.

Pathianin a hman che i duh chuan, a hmang mai ang che. I nunhluiah eng pawh lo ti tawh mah la, i tihtur a la inthlak danglam chuang lo. 

Jona chu mi pangngai ve mai, Pathianin ti tura a duh ti duh lo a ni. Mahse, Pathianin hun remchang a siamsak leh, tichuan, ti tura tih a nih chu a ti ta chauh a ni. Mahse, Pathian thuawih mahse, Jona chuan a thiltih tur chu rilru dik lo pu chungin a la ti hram a. Mahse, Pathianin a hmang tho.

Pathianin Jona chu thuchah tawite a pe: _"Tûn aṭanga ni sawmlî-ah Ninevi khawpui hi tihboral a ni dâwn!"_ (Jona 3:4). Chu thuchah hote chuan hun kal tawh zawng zawnga thlarau siamtharna nasa ber a thlen ta a ni. Sangha kawchhung aṭanga Jona lakchhuah ai pawha thilmak a ni.

Pathian chuan mi famkim lo, tirh chhuah har em em zawlnei kha harhna ropui thlentirna hmanrua atan a hmang tlat!

Pathian chu Jona lakah a dawhthei em em a, a beidawng lo. I lakah pawh a beidawng dawn bik lo.

Bible chuan, _"Lalpa hi a thutiamah chuan a muang lo asin; tûma boral a duh lo va, mi zawng zawng sim tûra a duh vâng zâwkin nangmahni tân a dawhthei a ni zâwk e."_ tiin min hrilh (II Peter 3:9).

Naktuk zingah dam taka i tho a nih chuan, Pathiann ni khat a pe leh che tihna a ni - hun remchang dang - i rawngbawlna tihlawhtling turin.

Pathianin a hman che inbeisei la, a hmang ang che.

Ngaihtuah zui atan.

Pathianin a hmang thei che em tih i inrinhlelh lai kha ngaihtuah let teh. Engvangin nge i rinhlelh?

Kan tal hnawk nuai hnuah Pathianin min hmang thei tih rin hi engvangin nge a harsat?

I chunga Pathian a dawhtheih em avang khan engtinnge midangte chungah i dawhtheihzia i lantir ve theih ang?

[Lettu: Mapuia Fanai]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...