Monday, April 15, 2024

I REMRUAT LEH PATHIAN REMRUAT A INMIL LOHIN

_I Nun Thiltum Puanchhuahna_

Rick Warren
April 15, 2024
”‘Ka rilru leh in rilru chu a inang lo, Ka awm dân leh in awm dân pawh a inmil bawk hek lo,’ Lalpa thuchhuak chuan a ti.“
‭‭Isaia ‭55‬:‭8‬ ‭

Hringnun hi tibuaitu thil hlir hian a khat a. Kan eizawnna, chhungkua, rawngbawlna atan remruatna lian tak takte kan nei thin a. Mahse Pathianin kawng dang daihah min hruai leh si thin.

Kan remruat leh Pathian remruat a in an loh hian, kan hmaa kawng daltu chu nam tluk mai kan tum thin a. Thil a buai zo thin a ni.

Jona kha han zawt mah teh! Pathian remruat chhan dan kawng harsa zawngin a zir a, ama mimal remruatna khan a mil hlawl si lova. An kawng sual atanga an sim a ngai tiin Ninevi khua a mite hnenah Jona kha Pathianin a tir a. Mahse tum dang a lo nei ve a, nghapui pum chhung a thlen phah a. Pathian chhanchhuah leh a ngaih phah a ni.

Tichuan Pathian sawi angin Jona chuan a ti ta a. Ninevi mipuiten an sim a, an kawng an thlak khan zawlnei kha a lungawi thei tlat lo a ni.

Pathian chuan entirna tur a pe a. Pathian chuan amah hliah thei tur khawpin ûm a ṭo tir a. Ei hlum leh turin sulrul a tir leh a. A tuk lehah chuan ni sain Jona lu a em chuan, a hrehawmna chu Pathian hnenah a puangchhuak ta a ni.

Chutah chuan Pathianin a remruatna leh Jona remruatna a inmil loh tuma a hriat tur thil pali a zirtir a.

*I fel lo a nih pawhin Pathian chu i lakah a tha reng a ni.* Pathian hnen atangin a hnungchhawn zawngin kal mah la, hlim nuam tak a la siam sak tho vang che. Pathian hian i hahdamna tur a duh a, a chhan chu chutiang Pathian chu a nih tlat vang a ni. Hmangaih theih loh i nih lai pawhin a hmangaih reng che a ni.

*Pathian chu i nuna engkimah thuneitu a ni.* I remruatna kha a hlawhchham a ni satliah lo. I nuna engkimah Pathian chuan tum a nei. Jona hian Pathian chuan nghapui lianpui leh sulrul tetakte chu kan nun kawng sawi ngil turin a hmang thei a, a thuneitu a ni tih min hrilh a ni.

*Rei tak daih tur thil ngaihven turin min duh.* Thil tam tak i lungkham kha naktukah a awm tawh kher lo thei. Pathian khan a tuk maia thi thei ûm aiin Ninevi khaw mipuite chhandamna ngai pawimawh turin a duh a. Engkim aiin, i thinlungah Pathian thu i khawl a, chumi hmang chuan mi dangte Pathian hnen ai hruai thlen a duh a ni.

I remruat anga a hlawhtlin nghal vek loh avang khan Pathian a tel ve ta lo tihna a  ni lo. I remruatna phuailuai tak chunga Pathian kuta thil awm hmuthiam thei turin tawngtai la, hmalam kawng a kawhhmuh che laiin amah rin zir ang che.

Ngaihtuah zui atan...

I remruat leh Pathian remruat inan loh tum ngaihtuah la. Engtin nge i tih?

Vawiina thil pali kan zirte hi en la. Pathian thiltih i tawmpui dawna i mamawh ber engnge le? Engvangin nge?

I remruat aia Pathian remruat zawnga i in her rem lai khan, engnge i rilruah i vawn reng theih thil ni ang le?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...