Rinna Huaisen
By Rick Warren
— April 19, 2024
“Chutichuan, keimahnia thawk ṭhîn thiltihtheihna hmanga, kan dîl leh kan ngaihtuah phâk aia nasa zâwka ti theitu hnênah ngei chuan.” [Ephesi 3:20]
Rinna nen chuan Pathian pek duhthusam [dream] chu i tihlawhtling thei ang a. Duhthusam [dreams] leh rinna chu an thawk dun a nih loh chuan engmah a thleng tak tak ngai lo thung!
Bible hi Pathianin duhthusam [dreams] eng emaw a pek an ni vek a. Abrahama duhthusam chu hnam ropui tak pa nih a ni. Mosia duhthusam chu Pathian mite chhuah zalen a ni a. Josepha duhthusam chu a hnam leh a chhungte chhandam a ni. Bible pumpuiah hian mi chi hrang hrang an duhthusam [dreams] tihhlawhtlin tumtute chanchin kan hmu, Daniala, Estheri leh Paula te tiamin.
Ephesi 3: 20 ah chuan hetiang hian kan hmu “Chutichuan, keimahnia thawk ṭhîn thiltihtheihna hmanga, kan dîl leh kan ngaihtuah phâk aia nasa zâwka ti theitu hnênah ngei chuan,” tiin.
Bible-ah hian thuneihna bithliah awm lo [blank check] a awm a nih ngai chuan hei hi a ni ang. Pathian chuan i dil ngam leh dil aia nasa zawk daihin a pe thei che. Eng vangin nge chu chu Pathian hnena dil i hlauh ang? I suangtuahna aia a let tam taka ṭha zawkin a thawk thei a ni.
I dinhmun ka hriatpui lo che, mahse keimah ngei pawh hi duhthusam ropui tak neitu ka ni. Amaherawhchu, Pathian pek duhthusam [dreams] chu i suangtuah dan aia nasa fea ropui zawk a ni. Pathian chuan, “Rick, i suangtuah phaka thil ropui ber han ngaihtuah teh, i nun tana kan tih tur thil ropui ber mai chu han ngaihtuah teh. Engnge ni ang? Chu chu ka khum thei a ni” tia sawi ang deuh chu a ni.
Vanram i thlen hunah ṭap tur i ni a nih chuan chung mittui te chu Pathian i lo rin tawk loh vanga inchhirna mittui an ni thei ang. Chu chu ka tan chuan hremhmun ang mai a ni ang – Pathian chu lo ring lehzual deuh hlek ila pasal, pa leh pastor ka nihna zawna ka tih tur te hi ṭha zawkin min tihtirtu an ni ngei awm si a.
Mahse vanramah chuan mittui a luang ngai lo, Pathian chuan he khawvela i mawhphurhna hlen chhuak tur chuan i mamawh zawng zawng a pe a che. Mite nena in inlaichinna, nupa nun, chhungkua leh eizawnnaah chuan duhthusam [dreams] sang deuh nei tlat rawh. I rinna chuan chutiang duhthusam [dreams] tihlawhtling tur chuan a ṭanpui ang che.
Pathian chuan i dil leh i suangtuah aia nasa zawk fe chuan i mamawh chu a phuhruk thei ang che.
Ngaihtuah zui atan.
I duhthusam te chu Pathian aṭanga chhuak an ni tih engtin nge i hriat theih ang?
Duhthusam [dreams] ah chuan rinna chu engtin nge i hman theih ang?
Eng vangin nge i duhthusam [dreams] zawng zawngte chu an hlawhtlin loh?
*Krista Isuaa Pathian chhandamna thutiam chu i ring thei ang em?*
Isua hnena i nun i hlan duh a nih chuan he ṭawngṭaina hi hlan ang che:
“Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.
“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamtu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zin kawng atana thuziak pawimawh tak tak lo thawn che ka duh e.
[*Lettu:* Peka]
No comments:
Post a Comment