Rinna Huaisen
By Rick Warren
— April 18, 2024
“Pathian ring rawh u. Tihtak meuhvin ka hrilh a che u, tu pawh he tlâng hnênah hian, ‘Lo insawn la, tuifinriatah lo inpaih rawh,’ tia, a rilrua ringhlel lova a sawi chu a lo thleng ngei ang tih ring apiangin an sawi ang apiang chu an hmu ang. Chuvângin, ka ti a che u, engkim in ṭawngṭaia in dîl apiang chu hmu tawhah inngai ula; tichuan, in hmu ang.” [Marka 11:22-24]
Rinna chuan thilmak tan kawngka a hawnsak ṭhin. Bible leh history i zir a nih chuan he khawvelah hian Pathian a chet a, thilmak a tih apiangin tute emaw chuan rinna neiin an che tihna a lo ni zel tih i hre thei ang.
Isuan Marka 11: 22-24 ah chuan “Pathian ring rawh u. Tihtak meuhvin ka hrilh a che u, tu pawh he tlâng hnênah hian, ‘Lo insawn la, tuifinriatah lo inpaih rawh,’ tia, a rilrua ringhlel lova a sawi chu a lo thleng ngei ang tih ring apiangin an sawi ang apiang chu an hmu ang. Chuvângin, ka ti a che u, engkim in ṭawngṭaia in dîl apiang chu hmu tawhah inngai ula; tichuan, in hmu ang” tiin a sawi.
Rinna chuan tlang a sawn thei!
Pathianin leilung chu dan mumal tak zui turin a duang a. Rinna dan chu leilung dan aiin a ropui zawk a ni. Chutah tak chuan thilmak (miracle) chu a lo lang ṭhin. Miin rinna an neih chuan rinna dan chu an hmang chhuak ṭhin, chu chu leilung dan aiin a ropui zawk. Rinna dan chuan thilmak a thlentir thung.
Pathian chuan vawiin hian thilmak a la ti em? Teh reng mai. I rinna i hman chhuah apiang chuan Pathian thilmak a ti ṭhin – eng lai pawhin.
Chutiang chuan i chhut mai thei, Isua hmun hrang hrang a tlawh tawh khaw li zingah khan ama khaw mite khan an lawm lo ber a ni tih i hre thei ang. Matthaia 13: 58 chuan hetiang hian a sawi, “Tin, an rin loh avângin chutah chuan thilmak tam a ti lo” tiin. Isua khan thil tih ropui tak kha tih a duh mai thei. Tute emaw a tihthinrim avang te, rinnaa an kal loh avangte khan thilmak a ti thei lo a ni.
I nunah khan eng ang tlang nge sawn ngai ang? I thil duhzawng tak ṭhenkhat thlak danglam theih reng reng lohte chu eng nge ni? Pathian chuan leilung dan chu thlawhkhumin leilung dan kal pel vekin i nuna tlang chu dahsawn a tum pawh a ni thei ang.
Pathian chuan hringnuna tlang dah sawn chu a hna ber a ni. Hun kal tawhah a lo dahsawn tawh ṭhin. Vawiinah pawh khawvel hmun hran hranah a kalpui a ni bawk. I nuna a hnathawh duh chu ngun deuhin han en teh le.
“Ka nunah engtiangin nge thilmak tam tak kan hmu phak lo” i ti a ni mai thei. Chu chu rinna mit nen i thlir nge, hlauhna mit nen i lo thlir ve le?
Kum thar lo awm turah hian rinnain thilmak hmanga kawngkhar a hawn dan han sawi teh u.
Ngaihtuah zui atan.
I nunah khan thil eng emaw inthlak danglam ngai dawn lova hriat i neihte chu engnge ni?
Chumi atan chuan Pathian chuan engtiangin nge ṭawngṭai turin a duh che? Rinna chuan engtiang takin nge che turin a duh che.
Hlauhna mit ni lova rinna mit hmanga thil tih chu engnge a awmzia?
*Vawiin hian Isua i zui thei ang em?*
A rahbi hmasa ber chu I chhandamna atana Isua rin chu a ni. Isua hnena i nun hlan tura i inpeih a nih chuan hetiang hian ṭawngṭai ang che:
“Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.
“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamnatu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zin kawng atana thuziak pawimawh tak tak lo thawn che ka duh e.
[*Lettu:* Peka]
No comments:
Post a Comment