Pathian Nena Thawhdun
- Rick Warren
- March 17, 2024
"Pathian tâna thil serh hran thuai thuai hi thanga awh ang a ni, intiam tawh zet hnûa inchhîrna mai a ni e." (Thufingte 20:25)
Duhthlanna liam tham i siam dawnin a nghawng dan tur i hre hmasa tur a ni tiin Bible chuan min hrilh, "Pathian tâna thil serh hran thuai thuai hi thanga awh ang a ni, intiam tawh zet hnûa inchhîrna mai a ni e." (Thufingte 20:25)
Duhthlanna zawng zawng hian man a nei. I duhthlanna chuan engangin nge heng kawng li-ah te hian nghawng a neih tih i inzawt ṭhin tur a ni: hun, tangka, chakna leh inlaichinnaah.
Mite hnenah "Ka lo be leh ang che" tih phalna ka pe tluk che a nih chu. Ngaihtuah hmasak a a nghawng tur dawn kha a pawi reng reng lo. Tawt ut utin awm suh, a chhan chu Thufingte leh Thuhriltu buah hian nunna dan a awm: chhuah aiin luh a awlsam zawk tih hi.
Ba rulh aiin bat a awl zawk. Inlaichinna tihchhiat aiin inlaichinna siam a awlsam zawk. I hun hmandan tur duan lawk te tih hlawhtlin vek aiin a duan mai kha a awlsam zawk. Chhuah aiin luh a awlsam zawk fo.
Luka 14:28-29 chuan, "Nangni zîngah tûpawhin in sâng sak tum ula, a sak zawhna khawp sum in neih leh neih loh hre tûrin, ṭhu chungin a man tûr chin tu nge chhût hmasa lo vang che u? Lungphûm phûm tawh zeta, a sak zawh theih loh chuan, a hmu apiangin nuihzatin, ‘Hê mi hian in a rel ting a, a sa zo thei si lo,’ an ti dâwn lo vem ni?" tiin Isuan a sawi.
Saddleback Kohhran ka din hma hian ka hun, tangka, chakna leh ka chhungkua a nghawng dan tur ka ngaihtuah lawk vek a ni.
A din tirh khan chan tur ka nei tih ka inhria a, chuvang chuan, "A inphu tawk em?" tiin ka inzawt fo. Aw, inphu tawk tehreng mai! Mi sang tam takin Saddleback Kohhran a ka rawngbawlna aṭangin chatuanin Vanram an chang dawn tih hriatna hian a ti hlu a ni.
Chuvang chuan, duhthlanna i siam dawnin zawhna inzawh tur i nei: A in phu tawk em? I tih tak tak hmain a nghawng tur ngaihtuah chiang ang che.
Ngaihtuah zui a tan
Engvangin nge a nghawng tur thlir hi i chakna mila thlir a ṭul ni a i hriat?
"Ka'n ngaihtuah ṭha leh ange" tih hi eng thutluknaah nge i hman a ṭul? Engtinnge midangten an ngaih i rin?
Engin thutlukna i siamah nge i sum, hun leh tha mil tur awm ni a i hriat?
[Lettu: Mapuia Fanai]
.png)
No comments:
Post a Comment