Monday, March 18, 2024

HLAUHNA LEH TUILAIRAPA AWM HMACHHAWN DAN

Pathian Nena Thawhdun

Rick Warren
March 18, 2024
”I thinlung zawng zawngin Lalpa ring la, Nangma hriatnaah innghat hauh suh, I thiltih apiangah Lalpa hre reng ṭhîn la, I kawng a tihtluansak ang che." Thufingte ‭3‬:‭5‬-‭6‬ ‭

Tuilairapa awm nachhan bul ber chu hlauhna a ni. Hlauhna hrang hrang kan buan theuh a. Mahni intihzah leh thil tihsual kan hlau a. Kan bul tan kan zawh theih loh kan hlau a. Kan that tawk loh kan hlau bawk. 

Thutlukna kan siam theih lohna tura hlauhna min dal thintu pakhat chu mi dangten min pawmpui loh kan hlauhna hi a ni. Thufingte 29:25 chuan, "Mihring hlauhna hian mi a phuar ṭhîn a, Lalpa rin erawh chu a muanawm a ni" a ti. Mi dangte ngaihdanah i buai chiah khan, a zo der, a chhan chu mi dangten min pawmpui loh hlauhna hi min pawmpui lohna aiin a pawi a ni.

Eng emaw hlauhna bik awm chu engtin nge i tih bo ang? Kawng khat a awm: hmachhawn a, dodal a ni. I hlauh ber kha nangmah kha i ni.

A nih, engtin nge i chetsawntir theih ang? Hlauhna tihrehna damdawi chu rinna hi a ni. Rinna nen i chet a ngai a. Pathian ring chungin i chetchhuah tan a ngai a ni.

Saddleback Kohhran tih thanlenna tura thutlukna lian tham kan siam dawn reng rengin ka hlauthawng fo. Mahse hmalam ka pan zel thin.

Huaisenna hi hlauhna awm lohna hi a ni lova; hlau chung chung pawha hmalam panna hi a ni. I hlau ngai lo a nih chuan, huaisenna i mamawh hran tawh lo. Huaisenna chu i hlau em em chung pawh a Pathianin ti turin a duh che tih i hria a, i tih thona kha a ni.

Thufingte 3:5-6 chuan, ”I thinlung zawng zawngin Lalpa ring la, Nangma hriatnaah innghat hauh suh, I thiltih apiangah Lalpa hre reng ṭhîn la, I kawng a tihtluansak ang che" a ti.

Rinna a ke pente Lalpan a tanpui thin. I inzawh tur thil a awm: khawi hmunah nge Pathian rin i ngaih? Mahni a i theih loh tih i tum chhin hma loh chuan Pathian i ring tak tak lovang.

Thutlukna i siam tur i hre lova. Mahse chumi atan chuan i inbuatsaih a, rinna nen i penchhuah a ngai a ni. Engvangin maw? I duhthlanna khan i mizia a tilang a, i hmalam hun pawh. Lalpaah inpumpek la, finna leh huaisenna , thutlukna i siamna tur a tan a pe thei ang che a, i nihna turah a siam thei ang che.

Ngaihtuah zui atan...

I nunah i hlauhna khan hmalam pan thei lovin engtin nge a dan beh che?

Pathian i rin ngaihna thutlukna siam tulna i nei em? Rinna ke pen hmasakna ber tur atan engnge ti tura a duh che?

Engkim Lalpaah hlan lo ni ta la, vawiina i dinhmun ai khan engtin nge dinhmun tha zawk i neih theih ang?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...