Pathian Nena Thawhdun
*THEIHNA SANG ZAWKIN MAWHPHURHNA SANG ZAWK A HRING*
By Rick Warren
— March 22, 2024
“A duh hle a, amah viltu bîkah a ruat a. An chhûngkaw enkawltu leh a neih zawng zawng kawltua a dah chinah, Josefa avângin Lalpa chuan Aigupta mi chhûngkua chu mal a sâwm a, a neih zawng zawngah, in lam leh ram lamah, Lalpa malsâwmna chu a dawng a.” [Genesis 39:4-5]
Eng anga sangin nge i ṭhan theih ang?
Kum tharah hian eng ang lehkhabu nge i chhiar ang? Inrawtkhawmna [seminar] ah tel ve i tum em? I ṭhang lian dawn em? I thiamna leh theihnate i chher hriam dawn em? Mite nena inlaichinna i zir chhunzawm dawn em? A nih loh pawhin tuna kum sawm chhung hi tuna i awm dan ang reng kha i ni chhunzawm dawn tihna em ni?
Kan theihna hi min ṭhantirtu a ni thei. A pawimawh chhan chu tu pawh theihna nei sang nei chu ṭhang lian turin hun ṭha tam zawk pek an ni ṭhin.
Hruaitu reng reng chu thil zir thiam an ni zel a. Zir i bansan rual rualin mite hruaitu i nihna chu i bansan a ni. Sumdawnna ṭhang lian chuan mipui ṭhang a mamawh a. Mite chu an ṭhan loh rual rualin sumdawnna pawh chuan rawih lam a pan nghal.
Saddlaback Kohhrana thawktu ṭhenkhatte ka hriat reng dan pakhat chu ṭhang zel an nihna leh zir zel an nihna chu a ni. An thil tih ngai reng an ti nawn a ni satliah lova tih dan thar ngaihtuahin ngaihdan thar an rawn duang chhuak ṭhin.
Chu chu Josefa nuna thil thleng kha a ni. Amah inthunun leh inpawtfanin a ṭhang lian a ni. Genesis 39: 4-5 chuan hetiangin a sawi, “A duh hle a, amah viltu bîkah a ruat a. An chhûngkaw enkawltu leh a neih zawng zawng kawltua a dah chinah, Josefa avângin Lalpa chuan Aigupta mi chhûngkua chu mal a sâwm a, a neih zawng zawngah, in lam leh ram lamah, Lalpa malsâwmna chu a dawng a.”
Pathian malsawmna chu neih tuma i lo beih ve hram hram chu a ni em? Kohhran, sumdawnna leh hnathawhna hmun chu nangmah vangin a ṭhang lian em? Chumi atan chuan theihna i nei em?
Josefa chu chu hna pek a nih chuan, Josefa avang chuan Pathian chuan Potiphara chu mal a sawm a ni: “Josefa avângin Lalpa chuan Aigupta mi chhûngkua chu mal a sâwm a, a neih zawng zawngah, in lam leh ram lamah, malsâwmna chu a dawng a.” [Genesis 39: 5]
Eng vangin nge? Josefa khan theihna [capacity] a neih vangin.
Josefa sal anga Aigupa rama hruai a nih khan chutiang zawng zawng chu a ti thei miah lovang. Ran rual leh in chhungkhur enkawl dan kha a zir ta ngat ngat a ni. Mawhphurhna sang zawk pek a nih ang zel khan a ṭhang lian ta a ni.
Thil thar zir i chawlhsan hlauh chuan, “Kha zawng kha thiam ka mamawh chu a ni” i ti mai ang a, “I theihnate chu i khuahkhirh ang a, i zir zel a nih chuan i ṭhang zel ang a, Pathian pawhin mal a sawm ang che.”
Ngaihtuah zui atan.
Tun karah hian a tak taka i hman ṭangkai tur thiamna i hnaa i ṭangkaipui tur chu engtin nge i hriat ang a, engtin nge i zir ang?
I theihna tipung tur chuan chet chhuah a, hrehawm tuar a ngaih chang a awm. Mite ruaitu [employer] tan chuan eng vangin nge theihna hmuh thiam chu a pawimawh?
I hnathawh pangngai chu hma i sawnpui thei tawh lovah ngaiin thlak danglam tumin ngaihtuahna i seng ngai em?
I hnaah khan hmasawn thei tawh chuang lova i inngaih avangin i hnathawh thlak chu i tum ngai em? Ṭawngṭaiin hun hmang la, i mimal nunah leh hnathawhnaah chuan hmasawnna dil ang che.
[ *Lettu* : Peka]
No comments:
Post a Comment