_Pathian Nena Thawhdun_
*MITE NGAINAT ZAWNG NIH DAN THURUK*
By Rick Warren
— March 21, 2024
“Lalpa chuan a awmpui avângin Josefa chu a hmuingîl hle zêl a; a pu, Aigupta mi chuan, in chhûng lam hna a thawhtîr a. Lalpa chuan a awmpui a, a thiltih apiangah a hlawhtling zêl tih a pu chuan a hmu a. A duh hle a, amah viltu bîkah a ruat a. An chhûngkaw enkawltu leh a neih zawng zawng kawltua a dah a.” [Genesis 39:2-4]
I hnathawhnaah ṭha taka thawh i duh chuan mite ngainat zawng i nih a ngai. Miten an ngaina lo che a nih chuan an ring lo nghal dawn che a, chiang balin an thawhpui ngai lovang che.
Mi tam tak chuan mite ngainat zawng nihna chu mihring miziaa innghat emaw an ti fo. Mite ngainat zawng i ni thei a, mite ngainat loh zawng pawh i ni thei.
Mahse chu aia thudik lo chu a vang viau thei. Mite ngainat zawng nih chu pianpui miziaa innghat (personality) a ni lo, nungchang (character) zawk a ni. Mizia a ni. Chu chu mite nena in indawr dan a ni thei a. Mite ngainat zawng ni tur chuan mite hip thiam a ngai lo. Mi ngainatawm takte chu mite tan a ni a – duhthlanna innghat a ni a – a ṭul huna miin an thawhpui theih tura awm thiam a ni.
Miten an ngainat mihring nih chu i duh em? Chu chu thuruk pawimawh tak chu a ni: Anmahni ngaina rawh. Chu chu a ni mai. Anmahni pawhin an ngaina ang che. Mite i ngainat loh chuan anmahni pawhin an ngaina lo ang che. Mite duhzawng thleng phak leh mi duh zawng ni tura pawimawh hmasa ber chu mite i ngainat hmasak chu a ni. Tih tak zeta nuam i tih a ngai bawk. Mite tam zawka i ngaihtuah a, nangmah leh nangmah chu i inngaihtuah tlem zel a ngai.
Mite ngainat thuah chuan Josepha kha a entawntlak hle tih Genesis 39: 2-4 ah kan hmu, “Lalpa chuan a awmpui avângin Josefa chu a hmuingîl hle zêl a; a pu, Aigupta mi chuan, in chhûng lam hna a thawhtîr a. Lalpa chuan a awmpui a, a thiltih apiangah a hlawhtling zêl tih a pu chuan a hmu a. A duh hle a, amah viltu bîkah a ruat a. An chhûngkaw enkawltu leh a neih zawng zawng kawltuah a dah a.”
Mite ngainat zawng ni tura duhawmna nei tih chu eng nge a awmzia? Tlawmnna maw? Mi chapo bula khawsak nge i duh a, mi tlawmngai bulah zawk?
Mi hlim thei tak i ni em? Mi hlim thei tak kianga awm nge nuam i tih a, mi lungngai em em mihring?
Mite tuarpui tih chu eng nge ni? Mite hnenah i dam sam lo a ni tih i hrilh tawh chuan “A van zia lo em em” tiin emaw “Pawi ka ti lutuk. Eng nge a awmzia” tih emaw an sawi awm e. Tu emaw tinatu laka zahngaihna i lo lantir chang chuan mi ngainatawm tak i nihzia I lantir nghal a ni.
Tuarpuina tak tak tih chu eng nge a awmzia? Mite hnenah i nawm loh thu i hrilh chang chuan engnge lo thleng? Hotu reng rengin rilru hahna hre thiam tak, mite pawm thei, mite thlirna tlang aṭanga thil thlir thiam an duh ṭhin.
Mi hlawhtling tura i tanpui chuan i ngainatawm dawn tihna a nih chu. Mite ngainat zawng i ni a nih chuan hlawhtlinnain a hmuak ang che.
Ngaihtuah zui atan.
Mite an hlawhtlin theihna turin i tanpui a nih chuan eng ang mizia nge ngai a, mite tuarpuia hriat thiampui ang?
Mite chuan engtin nge hria che sela i duh?
Tun karah hian an hnathawhna hmunah mite chungah engtin nge i lainatna i lantir ang?
[*Lettu:* Peka]
No comments:
Post a Comment