Friday, March 15, 2024

I NIHNA ZAWNG ZAWNG NENA HMANGAIH DAN

Pathian Nena Thawhdun

By Rick Warren
— March 15, 2024

“Lalpa i Pathian chu i thinlung zawng zawngin, i nunna zawng zawngin, i rilru zawng zawngin, i chakna zawng zawngin i hmangaih tûr a ni.” [Marka 12:30]

Vawiin fianrial Bible chang thlan thlir dan pakhat chu i thusawi zawng zawng, i thinlung zawng zawng, i ngaihtuahna zawng zawng leh i nungchang zawng zawnga Pathian hmangaih chu a ni ang. Pathian chuan ṭawng thei, lawm thei leh lungngai thei, ngaihtuah thei leh ti theiin a siam che. 

Marka 12: 30 ah chuan hetiang hian kan hmu, “Lalpa i Pathian chu i thinlung zawng zawngin, i nunna zawng zawngin, i rilru zawng zawngin, i chakna zawng zawngin i hmangaih tûr a ni,” tiin. 

Thusawitu chuan an thinlungin Pathian an hmangaih thei a. Mi rilru nem chuan an thlarauvin Pathian an hmangaih thei bawk. Thil ti mi chuan an chakna leh taksain Pathian an hmangaih thei. 

I finna hmang pawhin Pathian i hmangaih thei a ni tih i hria em? Ngaihtuahtu pawhin an rilru ngaihtuahna hmangin Pathian an hmangaih thei. I ngaihtuahna sawrbing leh tichaka i sen chuan, chu chu Pathian chibai bukna a ni. 

Ngaihtuahna seng thang chuan Bible study nuam an ti. Sam 119: 97 chuan, “Aw I dan chu ka va ngaina em, nitin ka ngaihtuah ṭhin a ni” tiin a sawi.  

Ngaihtuahna seng tam ho chuan an pianthar aṭangin Bible zir chu nuam an ti zel. Bible anga ropui chu khawvel lehkhabuah a awm ve lo! Hringnun zawhna hrang hrang chhanna a nei a, Engah nge hetah ka awm? Khawiah nge ka kal dawn? Nun awmzia hi eng nge? Hringnun hi engtianga pawimawh nge? Eng nge hun kal tawh kha? Engnge hmalam hunah awm? Khawi aṭanga lo kal nge ka nih? 

Ngaihtuahna sengtu kan mamawh, a chhan chu khawvel hian ngaihsak a mamawh. Mi ṭhenkhatten thu khirhkhan an ngaihtuah a, chu chu kan tan engtiang taka pawimawh nge a nih an hriat a ngai. Mi ṭhenkhat harsatna lian ngaihtuah a, a chinfelna min chhawp chhuahsak thiam kan mamawh. Chuvang chuan scientist te, thuziak mite, philosopher leh mi thenthiam kan mamawh. 

Mahse chung mite chuan tlawmna nena an insen a ṭul ang. Bible chuan, “I hriatnaah innghat suh,” tiin a sawi [Thufingte 3: 7] Eng vangin, A chhan chu Pathian chu Pathian a ni a, nang chu i ni ve lo. 

Tlawmna nun chu duhthlanna a ni. Pathianin a tihtlawm theih nan che dil turin Bible chuan vawi khat mai ni lo a rawn che. Pathian hmaah chuan nangmah leh nangmah intitlawm tura hriattir i ni [Jakoba 4: 10]. Mimal duhthlanna a ni. Tlawmna nun chu nangmah leh nangma tana I thil tih chu a ni. Midang tumahin an ti ve thei lo. Midang chuan an elsen thei che, mahse an titlawm thei lo che. A chhungrilah chuan, tlawmna awmzia chu Pathiana tlukluhna famkim a ni. I chakna hnawl lam a ni lo; a nihna takah chuan, i chak lohna a nih ang anga pawm a ni.  

Mifing [thinker] chuan an thil hriat nunpui ngei chu an tih tur a ni. Chu chu i hria a nih chuan, ti mai rawh! Jakoba 1: 22 chuan hetiangin a  sawi, “Thil tih awm si lova thu ngaihthlak ngawt tawka ngaiin mahni inbum hek suh u” tiin.

Pathian thusawitu, mite tuarpuitu, mifing emaw thawktu emawa a siam che a nih chuan, i nun kaihhruaina atan a Thu chu i hmang thei ang. A siam che a, i tana tha tur chu a hre khawp mai. Chuvang tak chuan a duh dan anga nung turin a duh che. Amah chu i ring mai thei ang. 

Ngaihtuah zui atan. 

I chaklohna chungchanga dik taka awm chu engnge i ngaihdan? Vawiin hian eng chak lohna lai ber nge rinawm taka pawm ngai?

I thil rin zawng chu han ziak chhuak teh. Chung rinna mil chuan i nung em? 

Engtin nge i ngaihtuahna leh suangtuahna te chu Pathian chibai bukna angin i buatsaih ṭhin? 

[ *Lettu* : Peka]

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...