Hmuh Theih Loh Indona
By Rick Warren
— Feb 23, 2024
“Chutichuan, keini, hmai khuh lohva awm zawng zawng hian Lalpa ropuina chu kan lantîr a, ropuina aṭanga ropui deuh deuh atân ama anpuia awm tûrin tihdanglam kan ni.” [2 Korinth 3:18]
Duhna satliah mai aia chak zawk chu hringnunah i mamawh chang a awm ṭhin. Chu chu Pathian thiltihtheihna chu a ni.
Thlarau rah chu Thlarau Thianghlim-in a chenchilh chang chea Pathianin i nuna nunna a dah chu a ni: "Thlarau rah erawh chu hmangaihna te, hlimna te, remna te, dawhtheihna te, ngilneihna te, țhatna te, rinawmna te, thuhnuairawlhna te, insumtheihna te a ni zawk e.” [Galatia 5: 22-23]
Engtin nge Pathian chuan i nunah rah a chhuah ṭhin? Duhna a ni ringawt lo. Pawnah chhuakin hetiang hian i sawi mai thei ang, “A hma aia dawhthei zawk ka ni tawh dawn!” tiin. Mahse chuti maia awlsam chuan engmah a danglam dawn lo.
Thlarau Thianghlim chu i nun chhungril lama a ṭhanlen a ngai. “Ka dawhthei lehzual sawt dawn. Tun hma aia nasain mi ka hmangaih dawn,” tih pawh i sawi thei ang. Nawalh thing kungah serthlum phuar bet ila serthlum kung a ni e ti ila chutiang vel chu a ni ang. Chutiang chuan a awm ngawt thei lo. Thlarau rah chu chhungril nun aṭang chauhin a awm thei ang – Pathian thlarau chu nangmaha a chen a ngai.
Thlarau Thianghlim chu nangmahah engtin nge hna a thawh? A chhanna chu zawi muangin tih a ni: “Chutichuan, keini, hmai khuh lohva awm zawng zawng hian Lalpa ropuina chu kan lantîr a, ropuina aṭanga ropui deuh deuh atân ama anpuia awm tûrin tihdanglam kan ni.” [2 Korinth 3:18]
Pa [mushroom] siam turin Pathian chuan darkar ruk a hmang a. Sasaw thing siam tur chuan kum 60 te a mamawh thung. Zawhna awm thei chu: I nun chu pa ang nge nih i duh a, sasaw thing anga lian leh ropui zawk chu?
Zan khat thil thuah i natna neih, chin ṭhan [habit] leh buaina te chu a awm thut lo. Kan thil duh ber berte chu kum eng emaw zat a vei hnua insiamte an ni. Vawi khat mi pakhat hian ka bulah hetiang hian a lo sawi, “Pastor Rick, kan nupa inlaichinna hi min chinfelsak teh” a lo ti thawr mai a. Kei chuan, “Kum engtia rei nge in inneih tawh?” tiin ka lo zawt a. Kum sawmpanga. “He buaina hi engtia rei nge in lo neih tak?” Kum sawm.
Mitkhapkar leka chhanna i duh em? Chutiang chu a lo ni ngawt thei lo! Chu buaina chu purun sen ang deuhin thuah khat te tea i piai thlak a ngai ang.
Thlarau Thianghlim chuan amah ang deuh deuh turin min siam danglam zel a ni. Kan nungchang hi kan thiltih hrang hrangin a siam a ni. Kan tih tur chu chin dan ṭha amah tarlang theitu tih ve chu a ni.
Ngaihtuah zui atan.
Krista anna kawnga ṭhang lian tura Thlarau Thianghlim chuan a puih theih nan che engtin nge chin dan ṭha chu i zui ang?
Thanna leh danglamna thlen turin rahbi te tak tete te chu rahbi lian pui pui ang thova pawimawh eng vangin nge an nih?
Thian hnai [small group] te chuan i hringnun zawh laiah chuan engtin nge kawng dik zawh turin an ṭanpui che?
Vawiin hian Isua chu i zui thei dawn em?
Pathian chuan a ṭhatna chu a Fapa, Isua Krista kaltlanga chuan a finfiah a. Bible chuan hetiang hian a sawi, “Pathianin khawvêl a hmangaih êm êm a; tichuan, a Fapa mal neih chhun a pe a, amah ring tawh phawt chu an boral lohva, chatuan nun an neih zâwk nân. Pathian chuan khawvêl thiam loh chantîr tûrin a Fapa khawvêlah a tîr si lo, amah azâra khawvêl chhandama an awm theih nân a tîr a ni zâwk. Tu pawh Pathian Fapa ring chu thiam lohvin an awm lo va, tu pawh ring lo chu thiam lohvin an awm tawh reng a ni; Pathian Fapa mal chu an rin loh avângin.” [Johana 3: 16-18]
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu* : Peka]
No comments:
Post a Comment