Saturday, February 24, 2024

A TAK TAKIN I NUNG TLANG ANG U

_Hmuh Theih Loh Indona_

Rick Warren
Feb 24, 2024
”in rilru thlarauvah chuan a tharin lo awm ula, mihring thar, thutak felna leh thianghlimnaa Pathian anga siam khân inthuam bawk ula,” tih thu hi. Chutichuan, dâwt sawi bânin, mahni ṭhenawm hnênah thu dik tak sawi ṭheuh rawh u; inpêng tawn ṭheuh kan ni si a.“
‭‭Ephesi ‭4‬:‭23‬-‭25‬ 

I nunah fel lohna siam tha turin, tu emaw dik taka thil nihna hrilhtu che i neih a ngai. Mahni mai chuan i tha mai dawn lo. Puitu i mamawh a. Thian i mamawh dawn a ni.

Danglamna chuan mi dik awmkhawm a mamawh a ni.

A tlangpuiin i nunah i thlak danglam mai theih loh tur chu i nuna thil harsa ber berte an ni a. Mi dangte hriat ve atana i duh loh a ni fo bawk.

Mi dangte hnenah i thlen theih hma loh chuan i hneh mai thei lovang. Mitin i hrilh pawh a ngai hek lo. Mi pakhat nangmah ring a, i rinngam tur a ngai a. Thuruk vawng thei, hmangaih tlattu che, teh let ngai lo che a, i tana tawngtai thin tur. I inbunruahna chu i damna bultanna a ni tih i hre thei ang.

Chumi awmzia chu, han thut khawm a, "kei chu ka tha e" ti thei awmkhawm kha a ni lova. In thutkhawmnaah chuan puitling takin, "chawlhkar harsa tak ka hmang a ni. Nun hi a harsa khawp mai. Hei hi ka chunga thleng a ni" tih theih a tul a ni.

Ephesi 4:25 ah chuan, ”Chutichuan, dâwt sawi bânin, mahni ṭhenawm hnênah thu dik tak sawi ṭheuh rawh u; inpêng tawn ṭheuh kan ni si a" a ti a. 

Ringtu i nih chuan, i tel ve tihna a ni. Pathian chhungkuaah i tel a, ringtu dang zawng zawng pawh i zawmpui an ni. I tel ve a nih hma loh chuan i ni ngawt thei lova. Pawl rinawm tak, huaisen takah i tel a nih phawt loh chuan Pathianin ni tura a duh che kha i ni mai thei thin lo. 

Chuvangin dik lohna paih bo la. I thenawm chu be thin la. I thian hnenah thudik sawi la, a chhan chu inpeng tawn vek kan ni.

I nuna fel lohna ril ber berte i thlak dawn chuan, dik taka awm i ngam lohna kha i paih a ngai a. Lemchan tih tawp a, nih ang anga nih ngam a ngai a ni.

Hringnun hi kawng hnihah eng emaw zawk zawk hian i paltlang thei a: engkim i tifel thei anga in ngai derin emaw, tihfel tak taka inngaiin. Mahse a der maia i inngaih chawp chhung chuan a takin i tifel ngai lovang.

Pathian chhungkuaah chuan, mitin hi kan innei tawn vek a. Mi dang lakah dik takin awm tawn ila, hrisel zawk leh damna thlen thei turin inpui tawn ang u.

Ngaihtuah zui atan...

In inkawmna pawl te chu eng ang taka thil sawi ngamna nge ni le? Mi dangte lakah dik takin i sawi ngam em?

Engkim chingfel thei anga tihder hian engnge rah a chhuah thin? Engtin nge i ngaih?

"Ka tha e" tih hi ni khatah mi engzat nge i hrilh ngaihtuah la. Eng inlaichinnaah nge mahni lakah rinawm i ngaih ber a, engah nge harsa i tih ber?

(Lettu: Msa)

No comments:

Post a Comment

INREM LOH LAIA ZAHNA HLAWH DAN

_Hma Hun Eng Zawk Nei Turin_ - Rick Warren - November 22, 2026 _"Tangkarua leh rangkachak aiin hmingṭhatna leh zahna hi an ...