_Hmuh Theih Loh Indona_
By Rick Warren
— Feb 16, 2024
“Tûnah zawng Krista Isuaa awmte tân chuan, thiam loh chantîrna rêng a awm tawh lo.” [Rom 8:1]
Chu thu chu i lo hre dik lo ngar ngar em? Dik tak chuan i hre dik lovang! Kan tisual vek. Tu mah hi famkim kan awm lo.
Thil engkima che ṭha tur chuan kan khawtlangah hian buaina a tam em avangin a theih kher lovang, mi zawng zawng tana an mamawh chhanna ni tur chuan a harsa fo. Mahse chung beiseina te chu a taka thleng chi an ni lo. Eng vangin nge? A chhan chu mihring i ni tlat. Ringtu I nih vang ngawt chuan mihring thiltithei leh ropui [super man] ah a siam danglam nghal lo che.
Bible chuan ringtu i nih hnuah pawh i la famkim chuang lovang tih a sawi. Chu chu mi tuten emaw an hrilh che a nih chuan, chu mi chuan thudik a hrilh lo che tihna a a nih chu. Buai nuai chang i la nei dawn. Hlawhchham chang pawh nei ang. Hun tam zawkah chuan i hlawhchhamna avang chuan nangmah leh nangmah pawh i indem hial ang.
Mahse, Isua zuitu i nih chuan, hei hi i hre chiang thei ang: Pathian chuan thiam loh a chantir ngai lo che tih chu.
Ringtu tam takte chu hlauhna, khakna leh him lo anga inngaihna nunah chuan an tang a. Tlan tawh an ni chung pawhin an nun awmzia chu an hre tak tak ngai lo. Hlauhna avanga an buaina chu a nasat em avangin Pathian chuan an thil tihsualah chuan thiam loh a la chantir ang. An rilru leh taksaah chuan chu buaina nen chuan an nung a, chu chuan hmalam hun an thlir dan leh midang an kawm dan chu a nghawng vek bawk. An sualna chu anmahnia phur mai lovin midang chunga an bel chang pawh a awm hial.
Bible chuan hetiang hian a sawi: “Tûnah zawng Krista Isuaa awmte tân chuan, thiam loh chantîrna rêng a awm tawh lo,” tiin.[Rom 8:1]
Ṭawngkam danga sawi dawn chuan, Pathian chuan i thil lo tihsual tawh zawng zawng aṭang chuan thiam loh a chantir dawn lo che, amah i rin tlat phawt chuan. Thiam loh chantir i nihna zawng zawng chu Isua chuan kraws-ah khan a lo phur daih tawh. Isua kha a chungah rorelna lek tawh a nih avangin nang chu rorelsak i ni tawh dawn lo. Ani chuan i sualna avanga phurrit chu a phur a ni.
Chu chu chanchin mak tak a ni. Chu thu chu chanchin lawmawm a ni – Chanchin Ṭha chu a ni bawk! Ringtu dik tak chu zak taka inkaikun chunga an nun a ngai lo. Khak nachhan tur pawh a awm lo. I pian hma tawh khan, Pathian chuan i thil tihsual tur zawng zawngte chu a hre lawk vek – a vai chuan a mal te tein a man a pek tlaksak tawh che a ni.
I hun kal tawhah chuan eng thil pawh lo ti tawh la, mi tu pawh lo tina tawh la, mite chuan eng thu pawh hrilh tawh che sela- hei thu hi chiang takin i vuan thei ang: i nun kha Krista hnenah i hlan tawh a nih chuan ngaihdam i ni tawh tih hi.
A hlen chhuak tawh!
Ngaihtuah zui atan
Isua Krista neitu tih awmzia chu eng nge ni?
I hun kal tawhah chuan thil eng emaw i lo tihsual tawh avang chuan nangmah leh nangmah inngaihdam harsa tihna i nei tawh em? Chu chu engtianga tih chi nge ni ang?
Eng vangin nge mi ṭhenkhatte chuan an sualnaah chuan Isuan a ngaidam tawh a ni tih chu an pawm theih loh?
[ *Lettu* : Peka]
No comments:
Post a Comment