_Hmuh Theih Loh Indona_
By Rick Warren
— Feb 15, 2024
“Ka mihring chhûngril chuan Pathian Dân chu a lâwm a; nimahsela, ka taksaah hian thawktu, dân danglam tak a awm tih ka hria; chu chuan ka chhûngril ṭha tihzâwng dân chu a do va, sual dân ka taksaa thawk ṭhîn bawihah mi siam ṭhîn a ni.” [Romans 7:22-23]
I chhung lamah khan indona a awm reng a, chu chu tunhmaa i lo nihna leh Krista i neih hnua i nihna te chu an ni a, damchhung daih a ni hial awm e. Paula, missionary ngaihsan awm ber leh Thuthlung Thar bu tam zawk ziaktu ngei pawh khan, a lo bei fe ṭhîn a ni.
Bible chuan Rom 7: 22-23 ah hetiang hian a sawi, “Ka mihring chhûngril chuan Pathian Dân chu a lâwm a; nimahsela, ka taksaah hian thawktu, dân danglam tak a awm tih ka hria; chu chuan ka chhûngril ṭha tihzâwng dân chu a do va, sual dân ka taksaa thawk ṭhîn bawihah mi siam ṭhîn a ni,” tiin.
He thil hi ka hrilh hreh che, mahse i dopui ngar ngar thung ang. I tlan khalh ngai lo thung si ang. Thlemna do hneh tur chuan Bible chu i chhiar tam tawk ngai lo vang. I bihruksan thei lo bawk ang.
Vanram i thlen hma loh chuan, i nihna pahnih inkara indona chu i theihna zawng zawng nena beih ngai indona a ni reng ang. Kan mihring hlui nihna chuan chapo tur te, chakna sual um tur te, mahse inngai pawimawh tur te, bumhmang ni tur te, sual taka nung turtein a chang chuan min duh ṭhin.
Nangmaha a ṭha ber neih tumtu i nihna hlui zawk pawh i la nei ngar ngar ang. Zawhna awm thei chu, chutiang chu engtin nge i tih dawn?
Duhna satliah chuan buaina a chingfel dawn lo. I thlak danglam duh vang mai leh thil engkim tihdanglam duh vang ngawt chuan i thlak danglam dawn tihna a ni kher lo. Tlemte chuan a danglam mai thei, mahse engtik hunah emaw i chauvin i che zui peih kher lo thei.
Thlarauva i kawng zawhah chuan i nihna thar chu i zui a ngai tihna a ni a, nihna hlui aiin nihna thar zawk chu i thlan a ngai tihna a ni. Entirnan, chakna suala thlem I nih lai chuan kalsan thut ta ang la, i nihna hlui zawk chu i hrek dawn tihna a ni. A nih loh pawhin, chapo tura thlem i nih lai chuan, Pathiana i innghah dan chu hre reng ang che, i nun hlui chuan rei tak a daih lovang.
Duhthlanna i siam a ngai – ni khatah vawi za laite pawh a ni hial thei – I nunhlui kalsan a, nun thar nei a, Krista Isua ang thei tur chuan.
Ngaihtuah zui atan.
I nun hlui leh nun thar chu engtianga nasain nge an inbuan nitin dan chu engtiangin nge i lo hmuh ve?
Chutiang dinhmunah chuan engtin nge hlawhtling turin i inbuatsaih ang?
Thlemna hmun chhuahsan chu lehlam hawi satliah emaw ṭawngṭai mai aiin eng vangin nge a pawimawh zawk ang?
Engtiangin nge i chatuan hun i hman dawn?
Bible chuan Pathian, a Fapa Isua Krista kaltlang chauh chuan vanram i kai thei a ni tih a sawi: Nangmah chuan vanram i kai thei lo: “Rinna avânga khawngaihnaa chhandam in ni, chu chu in thawh chhuah a ni lo, Pathian thilpêk a ni,” tiin. [Ephesi 2: 8-9]
“Lalpa duh tak, i thu chuan i Fapa, Isua Krista, ka rin phawt chuan ka thil lo tihsual tawh zawng zawngte ngaihdam min tiam a, ka nun awmzia ka hre thiam ang a, ka chatuan inah chuan engtik niah emaw min lo la lawm ang.
“Ka sual a ni tih ka pawm a, ka sualte avanga ngaihdamna ka dil e. Isua thihna chuan ka sualte a la kiang tih ka ring a, amah chu i kaitho leh bawk. Isua chu ka Chhandamnatu atan ka pawm duh a, ka Lalpa a nihna ang ngeiin vawiin aṭang hian zui ka duh bawk e. Ka kawng hruaiin i duhzawng min zirtir ang che. Isua hmingin ka dil e. Amen.”
Isua pawma i ṭawngṭai zo chiah a nih chuan he mail Rick@PastorRick.com -ah hian min lo bia ang che. Isua nen in zinkawng atana thuziak pawimawh tak tak lo thawn che ka duh e.
[ *Lettu* : Peka]
No comments:
Post a Comment