_Hmuh Theih Loh Indona_
- By Rick Warren
- Feb 17, 2024
_"Tisa dana awmte chuan tisa lam thilte an duh ṭhin; Thlarau dana awmte erawh chuan Thlarau lam thilte an duh ṭhin. Tisa lamthilte duh chu thihna a ni si a, Thlarau lam thil duh erawh chu ' nunna leh thlamuanna a ni."_ (Rom 8:5-6)
Damchhunga beidawng leh lungngai tura thupek i ni lo. I hliam, chin ṭhan leh harsatna te inbawhbehtir reng tur a ni lo. I ruahman ai daiha ṭha Pathianin ruahmanna a nei.
Tute pawh hian muanna leh zalenna kan duh vek- chanchin lawmawm tak chu i rin aiin chung chu a lo hnai mai thei.
Bible-in min zirtir dan chuan Isua zuitute tan chuan muanna hi rilru aṭangin a ni tih hi. Muanna i neih loh chuan i duhthlanna a ni.
Tun aṭanga thla rei lo te hnuah kan ram ei leh bar a danglam teh chiam lovang. I hnathawhna a danglam chiam lovang. Midang nena in inlaichinna keh chhia pawh a la dam lo mai thei.
Mahse, i rilru put hmang i thlak danglam thei. Chu chu nunna leh mahni intihchhiatna danglamna leh nun thlamuanna chu a ni.
Rom 8:5-6 chuan, _"Tîsa dâna nungte chuan tîsa duh zâwng ringawt an ngaihtuah ṭhîn; Thlarau dâna nungte erawh chuan Thlarau duh zâwng an ngaihtuah zâwk ṭhîn.Tîsa rilru put reng chu thihna a ni a; Thlarau lam rilru put erawh chu nunna leh thlamuanna a ni."_ a ti.
Thlarau Thianghlim chu ngaihtuahna ṭha zawk dil la- thinrimna ni lo thlamuanna pe theitu che ngaihtuahna. Eng dinhmun pawh thlirna dang aṭanga i thlir ṭhin a ngai: Thlarau Thianghlim thlir ang zelin.
I lo thlir fo ṭhin ang khan i nun kha i thlir leh ang em? Nge Pathian thlir dan in i thlir zawk? Hei hi hre reng rawh, "Tisa rilru put reng chu thihna a ni." Kan dinhmunte nangma thlirna mit aṭanga thlir fo hi mahni intihchhiatna a ni.
Mahni intihchhiat theihna ngaihtuahna te chu Ama ngaihtuahna a thlaksak tur che in Thlarau Thianghlim chu dil ṭhin rawh. I nuna thil duhawm lo lo thlengte dodal lovin lo thlak danglam ṭhin rawh.
T.V i chhuah chuan eng emaw i en duh loh leh i en miah loh turte an awm a, ṭhut hmunah ka tan en a ṭha lo tih ringawt tur a ni lova, a channel i thlak zawk mai tur a ni. I thlak nghal ṭhin.
I ngaihtuah reng chu nangma thlan a ni. Ngaihtuah ngai te i ngaihtuah a i rilru i sawrbing theihna turin Thlarau Thianghlim dil rawh. A ti ngei ang! I thlirdan te a thlak danglam ang. Chu chu i nun a tidanglam bawk ang.
Ngaihtuah zui atan:
Eng ang zawng takin nge i nun a thil duhawm lo lo thleng te i lo thlir ṭhin?
Hlauhthawnna leh beidawnna mit aṭangin engnge i thlir le? Engtinnge Pathianin a thlir ni a i rin?
Engtinnge Bible thu vawn hian Thlarau Thianghlim thlirna zawn aṭanga i thlir theih nan i rilru puthmang a thlak thei ang?
[Lettu: Mapuia Fanai]
No comments:
Post a Comment